Ală cau ala mat tơrgùm cribơyai, sền sơ wì bơta geh ngan rơndap broă mờ broă lơh bơh mpồl dong kờl bơto pơlam broă lơh sa suơn sre mpồl bơtiàn dê tơnơ̆ tŭ ờ gam kâp kơnhoàl, ală cau dong kờl bơto pơlam broă lơh sa suơn sre ƀòn lơgar geh rơndap tap sèng wơl. Uă jơnau đơs đơs loh, dilah ờ gờñ lơh sir gùng dà pơgồp bal, gàr priă jền dipal, broă lơh dong kờl bơto pơlam broă lơh sa suơn sre mpồl bơtiàn digơlan rơp ờ gơtùi lơh broă, ờ gơtùi gàr gơnoar broă lơh rbàng tơrbŏ đah làng bol lơh broă sa, mpồl lơh broă bal mờ mpồl lơh sa kă bro.

Đơs tơn jơh dơ̆ tìp mat cribơyai, Kwang lam bồ Anih tờm dong kờl bơto pơlam broă lơh sa suơn sre dà lơgar ồng Lê Quốc Thanh đơs sùm jơnau sồr tam gơl pa bồ tơngoh kơlôi sơnơng dong kờl bơto pơlam broă lơh sa suơn sre jat gùng dà lơh sa suơn sre, ai drà kă bro lơh gùng dà, ai cồng nha lơh geh mờ priă lơh geh bơh làng bol lơh broă sa dê lơh khà đo was, dong kờl làng bol lơh broă sa git bồ tơngoh kơlôi sơnơng tac phan bơh tŭ pa sơn đờm lơh gơlik phan.