"Tam gơl sồ tàm gah broă lơh sa suơn sre pơn jat tai geh bơta tam gơl pràn kơl dang ngan mờ broă lơh geh ngan ală rơndap broă lơh, broă rơndap lơh tam gơl sồ bơh đah Ƀộ Nông nghiệp mờ Phát triển Nông thôn mờ ală tiah” là jơnau đơs tàm dơ̆ pơrjum Mpồl đơng lam tam gơl sồ tàm gah broă lơh sa suơn sre geh bơyai lơh tàm drim ngai 20/02, tàm Hà Nội. Broă lơh bơh Ƀộ Nông nghiệp mờ Phát triển Nông thôn bơyai lơh.

Tus tŭ do, Ƀộ Nông nghiệp mờ Phát triển Nông thôn neh lơh mờ lơh sir ală jơnau atbồ phan sa ai phan ròng mờ anih ròng phan in; ală jơnau ai, atbồ mã sồ tiah tam phan mờ rcang lài dơ̆ lam lơh bơnàng jă jòi gĭt tiah tờm lơh gơlik phan lơh geh bơh suơn sre tàm lồi nam do. Đơs nền tam gơl sồ tàm gah broă lơh sa suơn sre là dùl tàm ală gah kwơ màng ngan rlau jơh bơh broă lơh tam gơl sồ Dà lơgar dê mờ ù tiah bơtàu tơnguh bơh gah do dê gam dờng ngan, Ƀộ Nông nghiệp mờ Phát triển Nông thôn ồng Lê Minh Hoan sồr ală kwang bàng tàm Mpồl đơng lam mờ kwang bàng ờs lơh broă tơnguh uă bơta gĭt wă, rcan lài tơl làm ală jơnau, gĭt loh jơnau yal rơndap ù tiah mờ bơta geh ngan nàng lơh sir kơnòl broă geh jàu.