Broă lơh rơ̆p geh bơyai lơh tàm drim ngai 17 nhai 8 tus, tàm sồ 498 gùng Hoàng Quốc Việt, sơnah ƀòn Cổ Nhuế, quận Bắc Từ Liêm, Hà Nội. Ală bơta phan kơphê bơkah pơnrơ ngan tàm pơrlòng giă dơ̆ do là ală kơphê is ồn geh rơwah nền nòn ngan bơh dơ̆ tàm pơrlòng kơphê bơkah pơn rơ ngan Việt Nam nam 2024 (Vietnam Amazing Cup 2024). Tàm dơ̆ do, rơ̆p geh 9  bơta kơphê Robusta mờ 6 bơta kơphê Arabica geh ai tàm pơrlòng giă. Tơl mpồl geh kơphê tàm pơrlòng giă rơ̆p cèng tus jơnau yal is bơh suơn tam kơphê, bơh broă tơnguh uă bơta kwơ kơphê Việt Nam dê lơh gơrề uă ală ly kơphê bơkah ngan rlau jơh tus mờ cau hùc in.

Do là dơ̆ 2 càr Dăk Lăk bơyai lơh dơ̆ tàm pơrlòng giă ală bơta phan kơphê bơkah pơn rơ ngan. Nam lài, dơ̆ tàm pơrlòng giă dơ̆ sơn rờp neh cèng wơl cồng nha niam ngan. Giă tăc kơphê bơkah pơn rơ ngan neh geh tơnguh uă rlau bơh 5 tus 7 dơ̆ pơndrờm mờ giă kơphê ờs mờng, đơs nền bơta kwơ dờng ngan bơh kơphê bơkah pơn rơ ngan Việt Nam dê.