Tŭ do, tàm ală tiah gơwèt tiah Ring Dà dơng Cửu Long, tiah đah Jum mat tơngai lik Dà lơgar mờ Tây Nguyên tờm sầu riêng kung gam là phan tam geh tam uă, ngan là rề ơnàng bă ù tam tàm ală tiah geh ală bơta ù tiah, trồ tiah ờ gơ dờp. Geh tiah koh kơl jơh tờm kơphê, tờm tiêu tàm suơn nàng tam bơr lŭ bal tờm sầu riêng; tam gơl ù lơh kòi nàng tam tờm sầu riêng...

Jat Kụk Tam phan yal, broă tơnguh bă ù tam sầu riêng dùl bă ur ar, ờ gròi sền, tam jat srơh, ờ jat gùng dà pơlam, jơnau bơto tơngkah bơh ală anih lơh broă atbồ, anih lơh broă ờs mờng rơ̆p gơlam tus jơnau gơ lời wơl ờ gơtùi ngan gĭt lài lơh hoàc huơr uă ngan bè cồng nha mờ bơta bơkah niam sầu riêng Việt Nam dê. Nàng bơtàu tơnguh sầu riêng kơ̆ kơl jap, geh cồng nha, di pal mờ gùng dà pơlam bơtàu tơnguh bal bơh gah lơh broă dê, Kụk Tam phan sồr ală Sở Nông nghiệp mờ Phát triển Nông thôn ală càr, ƀòn dờng tiah đah Jum dà lơgar mblàng yal, yal tơngĭt, nàng hời rơ hời tam gơl bơta mờng kwèng, bơta gĭt wă broă tam phan jat srơh, jat khà uă cau; broă bơtàu tơnguh phan tam đơs bal mờ sầu riêng đơs is pal jat gùng dà pơlam, jat gùng dà pơlam bơh anih lơh broă atbồ dê.