Uă mpồl phan lơh geh bơh suơn sre bè phe, plai chi ngui jơh geh tŭ tơngai niam pờ mpồng drà kă bro mờ giă gơguh uă nàng chồl pràn tăc phan mờ lơgar ndai den khà gơguh lơh sa lơh geh jơnhoa ngan rlau jơh tàm ală mpồl phan dê (gơguh 3,1%). Ală phan bơna bơh gah lơh sa suơn sre neh geh ală tă pơgồp niam ngan ai broă lơh tăc phan mờ lơgar ndai 9 nhai nam 2023 dê, ngan là ală mpồl phan lơh geh bơh suơn sre, bè: phe, biăp bùm, plai đo, kơphê, gar điều...

 Tàm 9 nhai nam 2023, priă geh bơh tăc phan mờ lơgar ndai mpồl phan lơh sa suơn sre, phan tàm dà gơguh 3,1%, kờp dŭ lơh geh 23 tơmàn 800 tơlak dolar Mỹ, tàm hơ̆ tăc phe mờ lơgar ndai lơh geh priă jền bơh tăc phan mờ lơgar ndai 3 tơmàn 660 tơlak dolar Mỹ, gơguh 40,4% pơndrờm dùl tŭ bal mờ nam lài mờ sơr lèt priă lơh geh tăc phan mờ lơgar ndai bơh jơh gùt nam 2022 dê, kơphê lơh geh rlau 3 tơmàn 100 tơlak dolar Mỹ, gơguh 1,9% pơndrờm dùl tŭ bal mờ nam 2022.