VOV4.K’ho – Ngai òr (24/9), tàm càr Kon Tum, Gah lơh broă sa mờ bơtàu tơnguh [òn lơgar dà lơgar bơyai lơh Pơrjum tơn jơh sền wơl broă lơh sa, tam gơl chi tam tàm ù lơh kòi bồ sơnam 2015, mut lơh rơndap broă lơh sa kàl mrềt prang nam 2015 – 2016 tiah jăt gah dà lềng đah jum tàm gùl lơgar mờ Tây Nguyên.

Nam do, gùt tiah kềng gah dà lềng đah jum tàm gùl lơgar mờ Tây Nguyên sih tam geh mờr 753.000 lồ kòi, gơmù pơndrờm mờ nam lài là mờr 23.000 lồ; cồng nha tơnhàu kờp bal geh 56, 2 tạ tàm dùl lồ. Kờp bal cồng nha tơnhàu kòi gùt nam gơmù mờr 141.000 tấn. Jơnau là tài gơlik geh ờ niam bơh trồ tiah bè ờ geh mìu, trồ tơngai duh, soat dà jo\ jòng tàm uă tiah bơh Bình Định tus Bình Thuận, tiah Tây Nguyên nhai mìu tus jơla rlau mờ pah nam, khà mìu ờ uă; tài ală tiah tam gơl ù lơh kòi ờ huan geh cồng nha, ờ tơl dà [ồm chi tam in. Bơta lòng dờng ngan rơlau jơh tus mờ broă lơh sa kàl mrềt prang 2015 – 2016 tus mờ tiah kềng gah dà lềng đah jum tàm gùl lơgar mờ Tây Nguyên geh Gah lơh broă sa mờ bơtàu tơnguh [òn lơgar dà lơgar đal git là bơta trồ prang dờng soat dà, ờ tơl dà tài bơta El Nino jo\ jòng, khà mìu dùl êt, nhai mìu jơh gờ`. Kờ` gàr niam broă lơh sa, ồng Lê Quốc Doanh, kuang jat jơng atbồ Gah lơh broă sa mờ bơtàu tơnguh [òn lơgar dà lơgar đơs: “ Ală tiah pal kờp sền wơl. Khà bè lơi nàng bol he in kờp du\ mùl màl. Tiah lơi gơtùi tam kòi mờ tiah lơi bol he pal tam gơl. 2 nam do bol he ndrờm gơtìp trồ prang soat dà lơh aniai. Kàl mrềt prang neh kal ke, mơya kàl bồ sơnam gam kal ke rlau. Ală tiah pal kờp tus mờ jơh tơngai nam tơnơ\ dê. Ngan là bơh tu\ do bol he pal geh rơndap broă mơ. Pal tềm pềr dà bơh tu\ do mơ. Pal tềm pềr dà nàng gàr tơl jơh nam in. Gơwèt mờ tờm kòi tàm bơta trồ prang soat dà, den jơnau đơng lam bơh Gah lơh broă sa mờ bơtàu tơnguh [òn lơgar dà lơgar dê là pal tam kòi lơyah tơngai mờ kòi geh bơta niam uă kờ` bơ tơl wơl priă jền bơcri.”

                                                                    Cau cih mờ yal tơngit K’ Duẩn