VOV4.K’ho- Tàm ală tu\ bơ\t bơtàu dà lơgar, kờn pal geh dơ\ lam sồr sền dờng màng bơta kuơ nùs nhơm, bồ tơngoh, tơl khà jak chài, tàm hơ\ broă lơh tàm pơrlòng jờng rơ geh gơnoar broă dờng ngan. Do là jơnau đơs ngan bơh Thủ tướng Nguyễn Xuân Phúc dê, mơkung là Chủ tịch Mpồl duh broă tàm pơrlòng jờng rơ Dà lơgar tàm dơ\ pơrjum drim òr 23/2. Tàm nam lài, Mpồl tàm pơrlòng- jờng rơ dà lơgar neh jun mờ Thủ tướng, Chủ tịch lơgar jờng rơ ai rlau 110 rbô mpồl cau mờ cau dùl nă să is in. Tàm hơ\, geh rlau nggùl khà là jờng rơ kông nhân, cau lơh broă sa sươn sre mờ cau să tờm lơh broă tơn. Bulah bè hơ\, Thủ tướng kung ờ ndơ\p mpồn yal ală bơta gam ờ hềt niam, ờ hềt dipal bơh broă lơh tàm pơrlòng, jờng rơ bè lơh uă ir đah bơdìh mờ geh tu\ jờng rơ ờ hềt dipal. Thủ tướng đơs ngan là: Ală srơh tàm pơrlòng pal geh jơnau kờn ngan ngồn, loh làng, gơ jat bal mờ rài kis geh ngan, mờ jơnau kờn lơh jơh tơl làm kơnòl broă, broă rơndăp lơh sa- mpồl bơtiàn, sền gàr dà lơgar, lơngăp lơngai, lơh broă mờ lơgar ndai bơh dà lơgar dê.

Cau cih mờ yal tơngi\t- Lơ Mu K’ Yến