VOV4.K’ho – Gah đơng lam Mpồl ling sền gàr tiah nhàr lơgar dà lơgar dê geh đơng lam bơyai lơh broă lơh Tìp mat lơh bơyô bal tiah nhàr lơgar đah Việt Nam mờ Lào dơ\ 1 bơh ngai 22- 24/7/2017 tàm càr Sơn La. Do là jơnau yal bơh Gah đơng lam Mpồl ling sền gàr tiah nhàr lơgar dà lơgar dê pà gi\t tàm dơ\ tìp mat mờ cau lơh báo mho òr 12/7.

Mờ tơngume “Tìp mat lơh bơyô bal tiah nhàr lơgar Việt Nam mờ Lào”, broă lơh geh lơh pràn bơta gi\t gơ\p pơgồp bal atbồ sền gàr tiah nhàr lơgar, sền gròi broă lòt rê hờ lơgar ndai, tam dră, rơcang sơndră cau lơh tìs đah ală mpồl ling sền gàr tiah nhàr lơgar Việt Nam mờ mpồl ling sền gàr tiah nhàr lơgar bơh lơgar Lào dê.

Tàm dơ\ tìp mat lơh bơyô bal đah tiah nhàr lơgar, digơlan geh uă broă lơh geh kuơ bè Lòt sền bal; lam mu\t ngui hìu sơnơm ling klàng làng bol, kham sơm kòp mờ pà sơnơm ờ sa priă ai làng bol in; jàu priă dong kờl bơsram ai kơnòm bơsram r[ah; cribơyai đah 2 gah bè broă lơh pơgồp bal atbồ, sền gàr tiah nhàr lơgar, gròi sền broă lòt rê hờ lơgar ndai, tam dră, rơcang sơndră cau lơh tìs, tus bal bơtàu tơnguh lơh sa- mpồl bơtiàn tàm tiah nhàr lơgar...

Cau cih mờ yal tơngi\t- Lơ Mu K’ Yến