VOV4.K’ho- Tơngkah kir sơnrai 75 nam Kăc màng Nhai phàm pha lin mờ Sơntờm dà lơgar ngai 2 nhai 9, drim ngai 31/8 tàm Hà Nội, Đoàn ơruh pơnu Cộng sản Hồ Chí Minh dà lơgar bơyai lơh broă lơh tìp măt lơh quèng tàm pơdờn duh hồl bơhiàn ờs mờng bơh yau bal mờ tơngume “Pơ`ìơ să Việt Nam”.

Tàm broă lơh tìp măt lơh quèng, ală cau ala măt geh lơh quèng mờ ală cau lơh cơng jơnau kah yau, nàng iăt yal bè ală jơnau kah wơl, nùs nhơm khin cha jak chài bơh jơh gùt Đảng, gùt làng bol, gùt ling klàng he dê, kuơmàng là rơnàng kơnòm să tu\ bal mờ jơh gùt jơi bơtiàn bơyai lơh Dơ\ ntàu tam lơh dờng nhai 8 nam 1945 mờ jơnau Chủ tịch Hồ Chí Minh sền sră cih jơnau Yal bơr Lơngăp lơngai is- Crơng gơs sơnđan măt dà lơgar Việt Nam dân chủ Cộng hoà. Bơh hơ\, đơs nền bơta pơ`ìơ să bơh ơruh pơnu Việt Nam dê tàm tu\ tơngai kah yau bơh jơi bơtiàn dê; wa\c sềr rùp rài bè nùs nhơm tam klăc dờng bơh jơi bơtiàn dê, kơ\p kờ` ngan lơngăp lơngai is, khăt gơboh is.

Mơkung lơh gơlik bơta gơdan ai rơnàng kơnòm să Việt Nam in pơn jăt tai bơsram, bơsram tàp nàng pơgồp bơnah dipal tàm broă lơh sền gàr mờ bơ\t bơtàu Dà lơgar. Tàm broă lơh, bàr pe nă bơyô kơnòm să kung neh yal bè bơta kơlôi sơnơng bè bơta pơ`ìơ să bơh rơnàng kơnòm să dê, mơkung đơs nền bơta lơh ngan tă pơgồp bơta pràn kơnòm să tàm broă lơh bơ\t bơtàu mờ sền gàr dà lơgar tàm tơngai tus.

Cau mblàng Lơ Mu K’Yến