VOV4.K’ho – Lơh jat broă lơh tìp mat mờ cau te\ khà tơnơ\ pơrjum dơ\ 3, Quốc hội kơnă 14, tàm ngai òr 28/6, ală mpồl kuang bàng Quốc hội ală càr tàm Tây Nguyên neh lòt tìp mat mờ cau te\ khà.

Tàm ală kơnhoàl: Krông Bông, Krông Ana, Krông Pach mờ Cư\ Kui`, càr Daklak dê, cau te\ khà kơlôi rơcang uă ngan bè ală broă gam gơlik geh gơ wèt tus mờ lơh broă sa sươn sre, bè phan bơna lơh geh bơh broă ròng phan gơmù khà priă uă ngan; uă tờm chi tam bè tiêu, [ơ tam uă ir dùl bă khat gơboh, digơlan lơh gơlik jơnau jơng kah uă phan bơna, tăc ờ yòm.

Cau te\ khà kơnhoàl Krông Pach đơs tàm dơ\ tìp mat

Den tàng bè hơ\ bal mờ broă rơndăp ù tiah dipal, chính phủ mờ gơnoar atbồ ală kơnă kờ` pal geh broă atbồ rơndăp ù tiah, jòi drà kă bro, kờn bơtàu tơnguh kơ\ kơl jăp. Bàr pe jơnau đơs kung kơlôi rơcang bè jơnau geh ngan phơng sih, sơntìl chi tam ờ niam lơh gơlik hoàc hươr cau lơh broă sa in.

Cau te\ khà xã Dak Som, kơnhoàl Dak Glong, càr Daknông sồr kuang bàng Quốc hội kơlôi sơnơng, dan mờ Đảng, dà lơgar geh tai ală broă lơh krơi is nàng dong kờl làng bol tàm broă lơh sa, bơtàu tơnguh lơh sa, ngan là dong kờl sơntìl chi tam phan ròng, kỹ thuật lơh sa suơn sre. Dà lơgar sền gròi bơcri lơh gùng lòt tàm [òn lơgar, gùng che đèng, hìu sơnơm, tiah nhơl `o\ niam chài, tàp pràn să jan…

Mpồl kuang bàng Quốc hội càr Daknông tìp mat mờ cau te\ khà tàm xã Dak Som

Cau te\ khà kung đơs tus ală bơta ờ niam tàm [òn lơgar bè broă lơh sră bảo hiểm y tế gam lơyài, sră nggal mut lơh gam kal ke; broă càn priă tàm ală ngân hàng gơtìp uă kal ke; uă bă ù ờ hềt geh lơh sră ngui ù; ờ uă broă tam pìt tam phà ù tiah ờ hềt geh bơsong di tu\.

Cau te\ khà tàm thị trấn Đinh Văn, kơnhoàl Lâm Hà, càr Lâm Đồng yal bàr pe bơta gam lơh gơlik bơta ờ suk tàm mpồl bơtiàn, bè: jơnau ngir ngui sơke ma tuý ngai sơlơ gơguh uă tai; jơnau phan ờ ngan, phan ờ niam ngai sơlơ kal ke ngan; bàr pe broă ờ hềt niam tàm broă lơh sră bảo hiểm y tế; nùs nhơm drơng broă ờ hềt niam ngan bơh bàr pe nă kuang bàng anih lơh broă dà lơgar dê…

Mò Trương Thị Mai, Kuang atbồ Ban Dân vận Dà lơgar hơ jơnau lùp bơh cau te\ khà kơnhoàl Lâm Hà, càr Lâm Đồng

Iat kơno jơnau đơs tă pơgồp bơh cau te\ khà dê, mò Trương Thị Mai, Kuang atbồ Ban dân vận Dà lơgar sồr gơnoar atbồ mờ anih lơh broă geh gơnoar tàm càr Lâm Đồng gờn bơsong ală bơta mờ làng bol yal, lơh jat di jơnau kơ\p kờn bơh cau te\ khà dê.

Cau cih mờ yal tơngi\t- Lơ Mu K’ Yến mờ K’Duẩn