VOV4.K’ho - Tơnơ\ ală ngai chờ hờp wă rò satềp nam pa Đinh Dậu bal mờ hìu nhă, ală klau pơnu geh rơwah lòt ling neh tơngac hìu nhă, lòt gùng lơh kơnòl sền gàr dà lơgar. Tơnơ\ 2, 3 ngai ờ hềt quèng, ală cau ling pa neh mhar gơrờm bal mờ tiah kis ling klàng, mờ bơta nhap nhar, ngac ngar, iang nùs mut tàm tơngai pơlam tàp cau ling pa:

Tàm bơta duh rơ ồ bơh tơngai nhai prang tàm Tây Nguyên dê, mơya nùs nhơm tàm pôs ling Tiểu đoàn 303, Trung đoàn Bộ binh 584, mpồl đơng lam ling klàng càr Dak Lak ờ duh tài bơh ală tờm chi xà cừ jơm rơhiơm. Jơnau pơlam tàp sơn rờp bơh ală cau ling pa dê là tàp pràn să jan, tềng đap bơta đơng pơlam bơh Đại uý Y Na Than Mlô, mờ ală gùng tàp ring niam, sap `ggà loh làng, pràn kơldang.

Tus bồ jiơ trồ mho, tu\ tơngai gam duh ngan, jơh đại đội 7 tơr gùm tềng đơm mbur chi đah bă hìu ơm nàng pơlam lơu\ kơmùng, ồi tơ\, phan soh. Jat bơta pơlam jơh nùs ngan bơh kuang bàng tiểu đội dê, tơl nă cau ling ìa gai chi pờng pràn tềng ồi tơ\ lă tềng bềl, hơ\sồng lơu\, rơ pồt; pal pơlam tàp uă dơ\, ală pang ồi tơ\ hơ\sồng geh sap ring niam. Cau ling Nguyễn Bá Hoàng, [òn tờm tàm kơnhoàl Krông Pach, càr Daklak pà git: “Oh pờng nàng gơ in lơbơn ồi tơ\, nàng lơh niam, gơs lơm pòng. Oh pơn yơ să ngan geh pơlam tàp t àm do. Oh go\ pôs ling dờng niam ngan, sàu sa den tơm làm, bơkah ngan.”

Tơnơ\ rlau 1 poh tus tàm pôs ling, ală cau ling pa neh sơn đờm hời rơhời quèng mờ tiah kis kung bè rài kis tàm mpồl ling. Ală jơnau bơsram sơn rờp bè: Rơndap sap sèng ring niam tàm dơlam is mpồl, ală jơnau pơlam tàp pràn să jan bùi drim, võ mờ tê gời, ală jơnau pơlam tàp chài tam lơh ù gờl. Tơl nă cau dùl [òn krơi is, tiah kis krơi is, mơya mut tàm ling klàng, ală cau ling neh tam gơl, bơh chài hòi sơnđan, boh bơr tus rài kis. Bal mờ dùl nă kuang bàng lòt sền pôs ling, ală cau ling pa bulah gam lơh bơta lơi kung tàu `ă, ơm song, lùp còp niam să cau atbồ: “Niam să cau atbồ! Ơi niam să cau ling, cau ling mbè sơnđan – dan yal mờ cau atbồ, oh sơnđan là Mlô Y Zức, lài do oh lơh broă tàm mpồl đơs crih tamya càr Daklak. Mut tàm do oh go\ bè lơi?. Tàm do niam ngan, pơlam tàp să tờm oh in nùs nhơm lơh jat kơrnuat mpồl ling mờ geh kơnòl uă.”

Kờ` dơ\ pơlam tàp geh cồng nha niam, lài mờ tu\ dờp cau ling pa, Tiểu đoàn 303, Trung đoàn Bộ binh 584, Bộ đơng lam ling klàng càr Dak Lak lơh niam broă rơcang lài mờ tu\ dờp cau ling pa. Mblàng loh kơrnuat, jơnau sồr bơh Bộ đơng lam ling klàng càr Dak Lak mờ Trung đoàn, Tiểu đoàn neh rơcang tơl niam bơh [làng tàp, phan ngui bơsram, sră cih jơnau bơto bơsram bơh kuang bàng pơlam tàp, bơh tiểu đoàn dê, mơkung bơyai lơh tus bal ală ơdu\ bơto pơlam bơh kơnă hơđang dê bè broă pơlam tàp nam 2017, kuơ màng là cau ling pa. Mpồl ling neh bơyai lơh bơto pơlam ai mpồl kuang bàng tiểu đội, trung đội in, tơrgùm bơto bơtê, mblàng yal loh làng bè bơngă, kơ nòl bơh kuang bàng pơlam tàp dê.

Đại uý Vũ Văn Thuấn – Chính trị viên phó Tiểu đoàn pà git: Kuang bàng tiểu đội pal sùm ơm rềp mờ ală cau ling, sùm iat ală cau ling he dê boh bơr mờ tam pà ală kal ke, bơta ờ mờng bơh sơn rờp cau ling dê, mơkung jơh nùs pơlam bơh ală broă dềt ngan rlau jơh, nàng dong cau ling pa hời rơhời quèng mờ ală broă lơh tàm ngai, tàm poh mờ ală dơ\ pơrjum bơh cau ling dê: “Bơh broă yal kơnòl den tiểu đoàn neh ai mpồl kuang bàng ală kơnă bơyai lơh pơlam tàp ngan ngồn mờ bơyai lơh bơto tơr lòng lài, bơh hơ\ tu\ pơlam tàp ală cau ling pa geh lơh geh cồng nha niam ngan rlau jơh. Broă dờp den bal mờ broă lơh ndai tiểu đoàn neh mut lơh broă gàr niam sàu sa, anih ơm, tơnguh broă lơh sa, ròng phan nàng gàr tơl niam rài kis ai kuang bàng, cau ling in. Bal mờ hơ\, mpồl Đảng đơng lam tiểu đoàn kung sồr ală mpồl lơh kơ nòl pơlam tàp cau ling pa bơyai lơh lòt sền, bơ tơl…”

Bơh dơ\ lòt sền pa do, Tiểu đoàn 303, Trung đoàn Bộ binh 584 ờ geh cau lơi pal tam gơl, bơ tơl. Dơ\ do geh 20 nă cau ling pa jơh bơsram đại học, cao đẳng, trung cấp, 8 nă cau geh Đảng; jơh ală ndrờm tơl khà jat jơnau sồr. Cau ling pa ndrờm git wă mờ đal git niam kơnòl sền gàr dà lơgar.

Pơn jăt tai bơhiàn niam chài 2 dơ\ geh Dà lơgar jào khà khin cha jăk chài ling klàng làng bol, tàm ală nam do, Trung đoàn bộ binh 584, mpồl đơng lam ling klàng càr Dak Lak sùm lơh gơs jăk chài kơnòl geh jào. Thượng tá Bùi Quang Thành, Chính uỷ Trung đoàn 584 yal bè broă tàp ling pa nam do: “Đảng uỷ mpồl đơng lam Trung đoàn neh lơh jăt nền nòn kơnòl ling klàng sền gàr dà lơgar bal mờ broă bơ\t bơtàu Đảng nam 2017, tàm hơ\ kuơ màng ngan là kơnòl tàp cau ling pa in den tơnơ\ mờ tu\ geh rơndăp broă bơh gơnoar atbồ, đảng uỷ trung đoàn neh lơh jăt, đơng lam ală anih lơh broă, mpồl lơh broă, tiểu đoàn 303 lơh niam broă rơcang kơnòl tàp ling cau ling pa in. Bol a` đơng lam bơyai lơh [làng tàp, anih tàp, phan bơsram kờ` tơl niam kơnòl tàp ling. Bơdìh hơ\ tai, bol a` gam đơng lam lơh niam broă rơcang anih sào sa, anih ơm, cau ling pa in. tơnơ\ mờ tu\ cau ling tus den tiah kis kloh niam kờ` ai tơl bơta niam oh mi in lơh gơs jăk chài kơnòl, đơng lam lơh gơs niam broă geh jào, broă lơh sa kờ` tơl niam rài kis phan bơna bal mờ nùs nhơm cau ling in mờ sồr kuang bàng ală kơnă sùm sền gròi kờ` g^t ală bơta bè nùs nhơm cau ling. Tơnơ\ mờ tu\ cau ling tus tàm mpồl ling den bol a` pal g^t nùs nhơm, di tu\ lam sồr, tàm hơ\ uă ngan là ală cau ling geh rài kis hìu nhă kal ke kờ` lam sồr iang nùs tàm broă lòt ling”.

                                                                Cau cih mờ yal tơnggit K’Duẩn