VOV4.K’ho - Tàm tiah nhàr dà lơgar càr Dak Lak, brê dơm chi dờng nhai do jrùh jơh nha. Ngai trồ tơngai duh, mang den càl khồm pràn. Tiah hơ\ ală kuang bàng, cau ling tiah nhàr dà lơgar gam at kơ\ nggkơr phàu sền gàr tiah nhàr dà lơgar, làng bol làng bol in wă rò sa tềp tàm bơta ngap lơngai ram mhu\. Cau tơngit jơnau đơs Việt Nam tàm Tây Nguyên geh dơ\ lùp jơnau Đại tá Phạm Quang Hùng, atbồ gah đơng lam mpồl ling sền gàr tiah nhàr dà lơgar càr Dak Lak bè broă sền gàr gơnoar tờm ngap lơngai tiah nhàr dà lơgar mờ sền gròi rài kis cau ling in tàm dơ\ sa tềp do:

Ơ đại tá, gàr kơ\ gơnoar tờm tiah nhàr dà lơgar mờ ngap lơngai ờ do ờ dă mpồl bơtìan tiah nhàr dà lơgar nàng làng bol chờ hờp sơnam pa wă rò sa tềp Bính Thân, den mpồl ling sền gàr tiah nhàr dà lơgar càr Dak Lak neh geh rơndap broă mut lơh kơnòl do bè lơi?

Đại tá Phạm Quang Hùng: Mpồl đơng lam Đảng gah atbồ mpồl ling bol a` dê neh geh jơnau sồr, rơndap broă, jàu kơnòl mùl màl ală mpồl lơh broă, anih lơh broă in, lài ngan là pal bơt bơtàu ală rơndap broă, gàr niam bơta rơcang lài tam lơh, di tu\ tam klac bal lơh broă bơsong niam ală bơta gơlik geh, ờ lời gơlik geh ală broă kal ke tàm tiah nhàr dà lơgar kung bè tàm 4 ntum di 2 kơnhoàl tiah nhàr dà lơgar. Bơyai lơh cau ling in sa tềp den lài ngan pal mblàng kơrnuat bơh gah đơng lam bồ mpồl ling dê bè bơta rơcang lài tàm dơ\ sa tềp, tàm ală pôs ling sền gàr tiah nhàr dà lơgar den khà ling pal gàr niam tơl cau lơh broă tus mờ kuang bàng là 70%, hạ sĩ quan cau ling là 100%, tàm anih lơh broă kuang bàng lơh broă là 50%, hạ sĩ qua cau ling là 100%. Tàm hơ\ lài ngan pal sền gròi ai ală cau geh hìu nhă ơm ngài geh rê bòn tờm sa tềp, pơn jờng pơ ùr, oh kòn hìu nhă, gam wơl den jơh ală ndrờm đal git là rơcang lài lơh broă nàng sền gàr làng bol in iang nùs, chờ hờp wă rò sơnam pa.

Bơdìh mờ kơnòl sền gàr ngap lơngai tiah nhàr dà lơgar, den tàm sa tềp do, mpồl ling sền gàr tiah nhàr dà lơgar càr Dak Lak neh sền gròi tus rài kis cau ling bè lơi ơ Đại tá?

Đại tá Phạm Quang Hùng: Bè kơnòl bơh mpồl bơyai lơh ai cau ling sa tềp den bơta lài ngan là gàr ală khà tơl bơh koă hơđang dê dùl bă mùl màl. Dơ\ 2 là tă bơh kes priă dong kờl bơh ală mpồl ling dê nàng dong cau ling in. bơh jơnau yal den ală mpồl ling ndrờm geh rơndap broă bơyai lơh niam ngan, ngan là tă kes priă dong kờl bơh 500 rbô tus 1 tơlak priă ai tơl nă kuang bàng, cau ling in, mơkung dong kờl tàm 4 ngai sa tềp là tơl nă kuang bàng, cau ling geh sa tai 200 rbô tàm 1 nă cau tàm 1 ngai, mờ pal gàr niam ờ do ờ dă phan sa cau ling in tàm dơ\ sa tềp.

Ơ Đại tá, broă bơyai lơh cau ling in sa tềp tàm ală  pôs ling sền gàr tiah nhàr dà lơgar geh mut lơh bè lơi?

Đại tá Phạm Quang Hùng: Tàm hơ\ là bơyai lơh sa tềp lài, wă rò sơnam pa tu\ ală mpồl lơh broă bơh ală gah, mpồl mờ mpồl đơng lam Đảng, anih duh broă làng bol càr tus nting sap sa tềp den kung bơyai lơh tơn cau ling in sa tềp, nàng ală ngai sa tềp cau ling tơr gùm tàm kơnòl sền gròi lơh broă tàm ală anih, mpồl tàm tiah nhàr dà lơgar kung bè tàm bòn lơgar. Bơdìh mờ ală cau ling lòt lơh kơnòl tàm tiah nhàr dà lơgar, tàm pôs ling kung bơyai lơh ală broă lơh chài rơgơi đơs crih tamya, tàp pràn să jan nàng pơn jờng nùs nhơm, lơh gơs bơta chờ hờp ai ală kuang bàng cau ling in iang nùs lơh broă, rơcang lài tam lơh, sền gàr ngap lơngai tiah nhàr dà lơgar, bòn lơgar lài mờ tu\, tàm tu\ mờ tơnơ\ mờ tu\ sa tềo.

Ưn ngài Đại tá uă ngan.