VOV4.K’ho - Bơto bơtê git wă ling klàng, sền gàr dà lơgar cau bơsram dờng in, kờ` pơgồp bơnah bơt bơtàu rài sền gàr dà lơgar gùt làng bol, sùm geh hìu bơsram dờng Tây Nguyên sền gròi uă ngan. Nam 2016, anih tờm bơto bơsram sền gàr dà lơgar sền gàr ngap lơngai Tây Nguyên, di hìu bơsram dờng Tây Nguyên neh tam gơl tơngume, broă bơto bơtê, mut ngui nhap nhar broă bơto bơsram jơh nùs kung bè ngui jơnau bơto bơtê mờ điện tử, ală broă lơh sền mờ mat niam ngan, gơ jat bal mờ bơto pơlam tàm [làng tàp ling… tơnguh cồng nha bơto bơsram tàm môn bơto bơtê sền gàr dà lơgar sền gàr  ngap lơngai:

Tàm dùl bùi tàp bè chài đal git gùng sền nàng cuh bơh sơn rờp mờ gùng sền di mờ phàu AK tàm [làng pơlam tàp hìu bơsram dờng Tây Nguyên, rlau 60 nă cau bơsram dờng tus bal ơdu\ bơto bơsram git wă sền gàr dà lơgar, sền gàr ngap lơngai kơnă 10 ndrờm kờ` ngan bơsram. Cau bơsram dờng Bùi Văn Thành, Gah Kinh tế, hìu bơsram dờng Tây Nguyên pà git, jơnau bơsram geh cau pơgru bơtê mờ broă lơh pơn yơu ngan ngồn [uơn ngan wă, tơnơ\ hơ\ geh ai mut lơh tơn den tàng cau bơsram dờng [uơn ngan git: “ Tus mờ môn bơto bơsram sền gàr dà lơgar, oh go\ niam ngan tài tu\ bơsram bol oh geh pơlam tàp ngan ngồn mờ ală jơnau bơsram bè chài tam lơh kung bè chài ngui phàu, halà ờ uă bơta chài sền gàr dà lơgar bơh ling klàng he dê. Oh go\ geh kuơ ngan, ai cau bơsram dờng bol oh in geh ală chài kuơ màng tàm gah sền gàr dà lơgar ling klàng, pơgồp bơnah pơlam tàp să jan kung bè nùs nhơm.”

Ờ mìng geh jơnau bơsram lơh quèng mờ ờ uă bơta phàu crong, bơta chài ngui ờ uă bơta phàu, mờ tàm ală bùi bơsram bè bơto bơtê gùng dră bal sền gàr dà lơgar, ală cau pơgru kung neh lơh ngan yal ală cau bơsram dờng in gơ rềng ală bơta gơlik geh pa ngan rlau jơh, git jơnau tơnggit pa ngan rlau jơh. Cau bơsram dờng Nguyễn Thuỳ Trang, Gah Kinh tế, hìu bơsram dờng Tây Nguyên pà git, ală bùi bơsram sền gàr dà lơgar, sền gàr ngap lơngai niam ngan. Pơn yơu mờ tơngume bè bơt bơtàu mờ sền gàr gơnoar tờm ù tiah nhàr dà lơgar, bồt dà lềng dà lơgar, cau pơgru bal mờ cau bơsram dờng lời uă tu\ jiơ nàng cribơyai, bơtơl git wă mờ tơnguh bơta git wă. Cau bơsram dờng Nguyễn Thuỳ Trang đơs: “ Bol oh lơh ngan bơsram jak mờ pơlam tàp ală bơta chài bơsram tàm ơdu\ kờ` tơnguh jơnhua git wă bè ling klàng, bè sền gàr dà lơgar, bơh hơ\ git tai bơhìan tam lơh mờ bol sò tơm bơh bèp ồng bol he dê.”

Jat Trung tá Nguyễn Việt Hồng, pơgru môn ling klàng, anih tờm bơto bơsram sền gàr dà lơgar, sền gàr ngap lơngai Tây Nguyên, hìu bơsram dờng Tây Nguyên, kờ` tơnguh cồng nha bơto bơtê môn do, lài ngan, ală cau pơgru pal rơcang lài jơnau bơto gơ in niam, mơkung pơlam dong kờl bơh ală rùp, sră nggal, lơma mờ ală sră wac sềr ù tiah geh kuơ. Bơh hơ\ bơtàu tơnguh nùs nhơm kờ` gơboh dà lơgar, git wă di bè gơnoar tờm ù tiah dà lơgar mờ pơn jờng bơta nhap nhar, rơcang lài bơsram, kơlôi sơnơng bơh cau bơsram dờng dê. Trung tá Nguyễn Việt Hồng pà gi: “ Kờ` cau bơsram in git ală tơngume, ngan là chài mut lơh ngan ngồn den cau pơgru bol a` lài ngan là bè ală tơngume jơnau bơsram ndrờm geh rơndap lài, kơlôi sơnơng, tơnơ\ hơ\ ală tơngume tu\ bơto bơtê pal tơl làm, yal ală tơngume tờm dùl bă bal hiă, [uơn wă, ngan là ală jơnau pơrya mờ chài mut lơh ngan ngồn. Dơ\ 2 là tàm tu\ bơto bơtê, pal bơtàu tơnguh bơta sền mờ mat bơh cau bơsram dê den cau pơgru pal ngui ală phan bơna, rùp sềr, hơ\ sồng mai\ mok nàng pờ, mờ ngan là cau pơgru pal lơh lài nàng cau bơsram in đòm jat.”

Ală nam do, anih tờm bơto bơsram sền gàr dà lơgar, sền gàr ngap lơngai Tây Nguyên neh bơto bơtê git nđờ rbô nă cau bơsram mờ pơlam tàp môn ling klàng sền gàr dà lơgar. Cau jơh bơsram kai bơsram dờng ờ mìng geh mờng chài mờ gam geh tơl bơta git wă mờ chài ling klàng, geh nùs nhơm gùng dră bal kơ\ kơljap, git lơh jat kơrnuat, geh nùs nhơm git lơh is, tam klac, dong kờl bal. Hơ là ală bơnàng jă pơgồp bơnah tàm broă drơng jat jơnau kờ` bơt bơtàu sền gàr dà lơgar gùt làng bol pràn kơldang, kơ\ kơljap. Đại tá Nguyễn Thanh Bút, kuang jat jơng atbồ Anih tờm bơto bơsram sền gàr dà lơgar Tây Nguyên pà git, bơto bơtê sền gàr dà lơgar ngai sơlơ geh tơnguh niam, drơng jơnau kờ` bơto bơtê mờ pơlam tàp pal jat jơnau kờ` “ kuơ màng, ringbal mờ jrô ơnàng”: “ Tàm broă mut lơh kơnòl bơto bơtê rơndap broă nam bơsram dê, lơh jat broă lơh, Anih tờm neh geh ală broă lơh dờp git tơngume jat ală sră nggal, broă lơh pa nàng tơnguh cồng nha bơto bơsram tàm tơngai lài. Ală cau pơgru neh tơnguh nùs nhơm bơsram is, broă bơyai lơh bơto bơtê, bè bơyai lơh jàu kơnòl jat mpồl, broă rơcang lài tu\ bơto bơtê; broă bơsram bơh cau bơsram dờng dê geh rơcang lài nàng bơto bơtê ală tơngume neh geh rơcang lài. Tơnơ\ hơ\ tu\ bơto bơtê, ai cribơyai cèng bơta lơh tờm is, bơsram is bơh cau bơsram dờng dê uă rlau pơn drờm mờ lài do. Cau pơgru mìng rơndap lài, yal lơyah dùl êt, đơs pơndut. Geh ờ uă ơdu\ bơsram bol a` neh sồr cau bơsram dờng cih jơnau jơh bơsram mờ mblàng is jơnau cih jơh bơsram he dê, tơnguh git wă cau bơsram dờng dê.”

                            Cau cih mờ yal tơnggit K’ Duẩn.