VOV4.K’ho- Tàm 7 nam pa do Chi bộ Hìu bơsram kấp pe Trần Quốc Tuấn, tàm kơ nhòal Đăk Hà, cà r Kon Tum neh tơmut 4 nă đảng viên là kơ nòm bơsram. Ngan ngồn tàm broă bơsram tàp pà go\ 4 nă đảng viên gam bơsram tàm hìu bơsram ndrờm  ngăc ngar dờng pràn ua\ di pal mờ bơta pin dờn mờ bơta kơ\p gơn bơh ală cau pơgru dê.

Ờ ua\ ngan cau kơ lôi là Bùi Hải Dương, cau geh Tỉnh Đoàn Kon Tum sac rơ wah đơs tàm dơ\ jờng rơ pà khà jờng “Ơruh pơnu jak ngan lơh jat jơnau Bác Hồ dê” neh là dùl nă đảng viên.

                                    Bùi Hải Dương nggui tàm nggùl mờ ală gơ\p bơyô tàm ơ du\ 12A1

 Kơ nòm bơsram ơdu\ 12A1, hìu bơsram kấp pe Trần Quốc Tuấn, kơnhòal Đăk Hà lơh niam nùs cau tài bơh đah bơdìh sền oh niam ngan, tơm bơh bơr jak ngan mờ kuơ màng ngan là geh bơta pin dờn ua\ ngan. Oh Lê Tuấn Nhật Trường, cau bơsram ơdu\ bal pà g^t Bùi Hải Dương sùm geh gơ\p bơyô kờ` gơboh:

Gơ wèt mờ Bùi Hải Dương, bơyô hơ\ geh nùs nhơm jak ngan.  Dương nhap nhar ngan. Broa\ lơh bơh Dương dê  pràn ngan. Ală broă lơh lơi geh jàu ai Dương in den pơgru mờ ală gơ\p bơyô pin dờn ngan. Oh sền go\ Dương di pal ngan nàng mut tàm mpồl Đảng.

Tơ nơ\ mờr 3 nam jat sền gròi bơta bơsram tàp, gơguh dờng pràn bơh oh Bùi Hải Dương dê, mờr jơh bơsram dơ\ 2 nam bơsram 2019-2020 Chi bộ Hìu bơsram kấp pe Trần Quốc Tuấn hơ\ sồng ngan ngồn yal bè broă tơ mut Đảng ai oh Bùi Hải Dương in. Đơs bè oh Bùi Hải Dương, jơh ală đảng viên Chi bộ ndrờm jờng rơ ngan cồng nha bơsram sră, bơta bơceh pa mờ nùs nhơm geh kơ nòl tàm ală broă lơh bơh hìu bơsram dê. Oh kung sùm pơn dềt să, pin dờn tàm ală bơta g^t gơ\p mờ rcang lài kong kơ nòl tềng đap broă lơh bơh oh dê. Chi bộ ring bal ai Bùi Hải Dương di pal ngan mut tàm mpồl Đảng. Ùr pơgru Lê Thị Thứ, Phó Hiệu trưởng, Phó Bí thư Chi bộ Hìu bơsram kấp pe Trần Quốc Tuấn chờ hờp ngan tu\ đơs bè kơ nòm bơsram, đảng viên Bùi Hải Dương.

Tu\ oh Bùi Hải Dương cơn đòa mut tàm hìu bơsram kấp pe Trần Quốc Tuấn oh neh tơngo\ bơta bơsram sră niam ngan. Dơ\ 2 là oh ngăc ngar, nhap nhar tàm ală broă lơh srơh mờ oh tus bal is tàm ală broă bơh Đoàn hìu bơsram dê bơyai lơh. Bơh broă pơs wàs hìu bơsram, ơ du\ bơsram tus broă lòt lơh broă nùs nhơm dong kờl, tus broă dong kờl ală  oh bơsram tơ nơ\ do mut gơ rờm bal mờ hìu bơsram do den oh ndrờm lơh jơh.

 Bơta chờ hờp tus mờ oh Bùi Hải Dương di dơ\ tơngkah ngai Sơn tờm dà lơgar ngai 2/9/2019 tu\ oh geh Chi bộ Hìu bơsram kấp pe Trần Quốc Tuấn tơmut Đảng. Pà g^t bè tơngai ơm tàm mpồl Đảng bal mờ Chi bộ hìu bơsram, tiah ală đảng viên tờm ngan là cau pơgru bơ to bơtê oh he, oh Bùi Hải Dương đơs bè do.

Rơ\p là sơ nam kơ nòm bơsram lơm den tu\ do oh kung gam ờ khin, den tàng tu\ tă pơgồp bal jơnau đơs den oh kung lùp jơnau đơs bơh 2, 3 nă đảng viên tàm hìu bơsram lài mờ tơ nơ\ hơ\ oh hơ\ sồng đơs jơnau đơs oh dê tàm Chi bộ. Bulah bè lơi den oh kung gam lơh ngan sùm lơh gơs jơnau kờ` bơh oh dê. Lơh mbè lơi nàng di pal mờ sơ nam oh dê kung geh ơm tàm mpồl Đảng Cộng sản Việt Nam.

 Mờ cồng nha 12 nam sùm là kơ nòm bơsram jak, lơh geh ua\ khà jờng ală dơ\ tàm pơrlòng tài bơh hìu bơsram mờ gah bơ to bơtê lam lơh, lồi nhai 9 pa do, đảng viên kơnòm să Bùi Hải Dương chờ hờp là 1 tàm 45 krơh niam “ Ơruh pơnu jak ngan lơh jat jơnau Bác Hồ dê” geh Tỉnh Đoàn Kon Tum jờng rơ, pà khà jờng. Đảng viên kơ nòm să Bùi Hải Dương  kung sơn đờm lơh jat ală jơnau kơ\p kờ` bơh oh dê tu\ pơr lòng gơ kờn đại học Rcang sơn dră crùh ồs sa, Bộ Kuang àng mờ lồi nam 2020 oh sơn đờm mut bơsram.

Cau cih Khoa Điềm- Cau mblàng K’ Hạnh