VOV4.K’ho - {òn Akoh Dhông hờ lồi gùng Trần Nhật Duật, [òn dờng Buôn Ma Thuột, là rùp rài [òn lơgar cau kis bơh yau Tây Nguyên dê geh tàm gùl [òn dờng mờ ală hìu jòng bơhiàn kòn cau Rơđê dê. Do là [òn dờng, geh rài kah yau chài rơgơi bơh jo\ ngan.

Hìu hờ đang jòng là anih geh bơyai lơh ală bơta chài rơgơi, duh khoai mò pàng mờ tơrgùm ală cau tàm ală dơ\ chờ `ô sa bè: bơyai lơh yàng duh khoai kàl lơh sa, duh khoai yàng kòi, dròng cing, mồng, yal yau, tamya, đơs crih,… làng bol kòn cau Rơđê kis tàm [òn Akoh Dhông gam prăp ală bơta chài rơgơi ờs mờng, mờ sùm bơyai lơh ală mang dròng cing, mồng. Mờ làng bol kòn cau Rơđê, cing, mồng là phan ndu gơnrơh, là huềng soàn kòn cau dê. Tềng gah drăp tơrnờm bal mờ ồs gam hìt tềng mpang hìu, săp ntas cing, mồng bè yal jơnau kòn cau Rơđê bơh tàm ală ngai sơnrờp lơh [òn, tơnguh bơta pràn brê bơnơm dê.

Dơ\ sơnrờp tus lơgar Việt Nam nhơl chờ, geh sền hìu bơhiàn hờ đang jòng mờ `ô tơrnờm, sền tamya, iăt sền dròng cing, mồng niam bơne\ Buôn Ma Thuột dê, lo\ Natalia, cau lơgar Nga ngềr ngan bè bơta chài rơgơi kòn cau Rơđê dê mờ đơs là, do là 1 broă bơto bơtê chài rơgơi pa ngan mờ lo\ geh g^t. Lo\ Natalia đơs: “Do là dơ\ sơnrờp a` tus lơgar Việt Nam, mờ geh tus sền uă bơta niam chài rơgơi Việt Nam dê. Tu\ tus tàm do, bol a` neh sền 1 bơta chài rơgơi bơto bơtê pa, is mờ ală bơta mờ bol a` geh g^t ha là go\ tàm lơgar tòm. Bol a` sền go\ geh bơta krơi is bơh 2 bơta chài rơgơi krơi is, bơta do niam bơne\ ngan”.

Den bi Nikolai, cau lơgar Nga tus bơh [òn dờng Ekaterinburg, lơgar Nga, dơ\ sơnrờp geh `ô tơrnờm mờ sền bơta chài rơgơi kòn cau Rơđê dê, bi ngoh rơngăc ngan mờ bơta bơkah bal mờ broă `ô tơrnờm tàm do. Kuơ màng ngan tu\ g^t tơrnờm geh lơh bơh phe den bi sơlơ g^t loh rơlao bơta niam bơh tơrnờm dê. Bi Nikolai đơs: “Do là dơ\ sơnrờp a` geh `ô tơrnờm geh lơh bơh phe, tàm lơgar a`, ơlă Vodka geh lơh bơh 1 bơta phan ndai. Dơ\ 2 tai là broă `ô tàm do kung krơi is, cau ờ `ô is tàm tơl ly mờ geh `ô mờ bồp, mờ tơl nă cau pơn jăt bal `ô. 1 bơta tai là tơrnờm do bơkah mờ [uơn `ô, bơta do niam ngan tus mờ să jan. Tài tàm lơgar Nga cau kơnòm mờng `ô ơlăk hang, den tàng [uơn ngan gơtìp aniai tus mờ să jan”.

Bal mờ ală bơta pràn geh lài bè broă lơh mờ bơta chài rơgơi, tơl nă làng bol kis tàm [òn do kung g^t uă ngan bè broă prăp gàr mờ yal bè bơta chài rơgơi kòn cau dê kờ` ală cau năc in. Ồng Ama Pi, kis tàm [òn Akoh Dhông, [òn dờng Buôn Ma Thuột pà g^t: “Tài geh mpồl dròng cing, mồng [òn bol a` dê geh lơh broă sùm, tài ală cau ndrờm geh nùs nhơm, geh bồ tơngoh, gơboh kờ`, sùm sền gàr bơta chài rơgơi kòn cau dê kờ` yal mờ ală cau in g^t, ală tiah in g^t tàm hơ\ geh bal cau lơgar bơdìh mờ cau tàm lơgar in g^t bè bơta chài rơgơi kòn cau Rơdê dê. Mờ uă ngan là kờ` ală cau in g^t tus mờ lơh sùm mờ tơnguh bơtàu bơta chài rơgơi, ală bơta chài rơgơi bè do”.

{òn Akoh Dhông là 1 tàm ờ uă ngan [òn làng bol kòn cau Rơđê tu\ do gam prăp gàr ală bơta kuơ chài rơgơi ờs mờng krơi is, niam bơne\ kòn cau Rơđê dê, là anih prăp gàr niam bè bơta chài rơgơi kòn cau Rơđê dê tàm gùl [òn dờng Buôn Ma Thuột. Bơta niam lài ngan tu\ tus [òn Akoh Dhông là kloh niam bal mờ ù tiah niam bơne\ bè rùp. {òn do geh sền là 1 anih pal geh tus tàm dơ\ nhơl chờ tus mờ Ban Mê.

Cau mblàng Ndong Brawl