VOV4.K’ho – Tơ nơ\ 46 nam ngai dà lơgar tơrgùm dùl, [òn dờng Buôn Ma Thuột, càr Dak Lak neh brồ guh, lơh geh ua\ tềl kuơmàng bè bơtàu tơnguh lơh sa- mpồl bơtìan. Rài kis làng bol ngai sơlơ tam gơl niam ngan. Kuơmàng, bulah bơtàu tơnguh jat gùng dà tam gơl pa, [òn dờng Buôn Ma Thuột kung gam sền gàr bơta niam chài rơ gơi bơh jo\ bơh ală jơi bơtìan kòn cau tàm tiah do dê, gàr sùm ală anih tơlir, mòn gơs ală [òn tàm [òn dờng, brê tàm [òn dờng.

Nhai 3, tàm bơta duh rơ ồl bơh kàl prang Tây Nguyên dê, gơl gùng lam mut tàm [òn Ako Dhông, ơm tàm tiah tàm gùl [òn dờng Buôn Ma Thuột kung gam tơlir, rơ hiơm m[ur tờm chi. Ờ mìng geh broă rơndap ù tiah, bơceh mòn hìu đam niam mờ ală hìu jòng bơh jo\ tàm pơn jat tàm ală suơn sre, [òn Ako Dhông gam geh sền là tiah prap gàr ua\ bơta niam mờ chài rơgơi bơh cau Rơđê dê. Bi H’Tít Alio, Bí thư đoàn ơruh pơnu [òn Ako Dhông pà git, ală nam rềp ndo, ua\ hìu bơnhă tàm [òn neh ngac ngar tơnguh ală bơta kuơ niam chài bơh jo\ nàng bơtàu tơnguh nhơl chờ, broă drơng ala, lơh gơlik pria\ jền: “Bơtuah bol hi in là geh kis tàm dùl [òn kờ` sền gàr niam chài he dê. Tơl hìu bơnhă tàm [òn bol hi ndrờm gàr hìu rơng, tơrnờm, cơ ge\ kpan, phan soh kòn cau. Ală bơta kuơ niam chài hơ\ kuơmàng ngan, să tờm he pal git kờ` gơboh niam chài den hơ\ sồng gơtùi sền gàr”.

Ako Dhông, [òn tơlir, [òn niam chài tàm dơlam [òn dờng Buôn Ma Thuột

Ờ mìng is [òn Ako Dhông, ua\ [òn ndai tàm [òn dờng Buôn Ma Thuột, làng bol neh git rơcang lài bơtàu tơnguh bơta niam chài rơ gơi gơ jat bal mờ bơtàu tơnguh lơh sa. Bè tàm ală [òn Păn Lăm, Tơng Jú, Kmrơng Prong A, ua\ hìu bơnhă bơtàu tơnguh broă tà` ồi kòn cau, tà` phan mờ gle đơr, [e\ tơrnờm nàng lơh gơlik broă lơh, tơnguh tai pria\ jền lơh geh. Mò H’Yam Bkrông, atbồ [òn Tơng Jú, xã Ea Kao, [òn dờng Buôn Ma Thuột, Kuang atbồ Hợp tác xã tà` ồi kòn cau Tơng Bông pà git, kơ nờm chồl pràn bơtàu tơnguh ròt phan lơh gơs bè ồi kòn cau gơ jat bal mờ bơtàu tơnguh nhơl chờ mờ rê ơnàng drà kă bro tac phan lơh gơs, pria\ cồng lơh geh bơh hợp tác xã dê gơguh rlau mờ lài ua\ ngan.

Tàm nam 2020, bulah broă lơh sa gơtìp ua\ kal ke tài gơ rềng bơh kòp bơ tờp, pria\ lơh geh bơh Hợp tác xã dê kung gam lơh geh 1 tơmàn 200 tơlak đong. Tu\ do, mò H’Yam gam lơh sir dùl anih hìu jòng lơh homestay bal mờ wil tơl phan ngui ờs mờng cau Rơđê dê bè dùl bảo tàng dềt nàng drơng nac nhơl chờ in: “Bơh tu\ hợp tác xã hời rơ hời bơtàu tơnguh, neh tam gơl ua\ bơta phan lơh gơs gơ in dipal mờ tơl sơnam, den tàng ờ mìng cau dờng sơnam tàm [òn kờ`, mờ gơ wèt mờ ơruh pơnu khi kung kờ` ngan phan soh kòn cau Rơđê dê. Tus tu\ do, phan lơh gơs neh li la rlau mờ lài ua\ ngan, anih blơi phan lơh gơs kung kơ\ kơljap rlau. Den tàng tu\ do là ờ mìng lơh gơlik ală bơta phan bè lài tai mờ gam pal li la nàng gơ in ring bal, nàng tơl nă cau gơtùi ngui phan soh kòn cau”.

Tà` ồi kòn cau là broă geh ua\ cau Rơđê tàm ală [òn bơtàu tơnguh

Jat ồng Vũ Văn Hưng, Chủ tịch Ủy ban Nhân dân [òn dờng Buôn Ma Thuột đơs, tơ nơ\ rlau 10 nam geh dờp là tiah drà khà 1 gơ wèt càr Dak Lak, lơh jat jơnau đơs pơn dut sồ 60 nam 2009 bơh Bộ Chính trị dê bè bơt bơtàu mờ bơtàu tơnguh [òn dờng Buôn Ma Thuột gơs tiah drà tờm ngan tiah Tây Nguyên dê, [òn dờng neh geh ua\ bơta tam gơl pràn kơldang ngan. Lơh sa gơguh kờp bal geh 9,38% tàm dùl nam, pria\ lơh geh kờp bal tàm dùl nă cau geh 78 tơlak đong, jơnhua rlau 1,3 dơ\ khà kờp bal gùt lơgar dê. Ua\ rơndap broă, broă lơh geh ai ngui mờ tơnguh cồng nha niam bè gùng pleh tiah đah mat tơngai mut [òn dờng Buôn Ma Thuột, gùng đah mat tơngai lik đah mat tơngai mut, lơh niam hìu sơ nơm dờng tiah Tây Nguyên: “Bơcri pria\ bơt bơtàu phan bơna tiah drà mờ ală tiah drà neh geh ală cau tờm bơcri pria\ sền gròi mờ kung neh cèng wơl ală cồng nha kuơmàng ngan. Gơ mòn gơs ală tiah drà pa, gùng lòt tơrbo\ pa bơh ală broă lơh bơcri pria\. Mờ ală tiah drà hơ\ geh lơh gơlik làng bol in kis tàm ală tiah mờ ală bơta niam rlau mờ lơh gơlik ală bơta tam gơl tàm broă bơt bơtàu tiah drà bơh gơ noar atbồ dê”.

Jơnau đơs pơn dut sồ 67 ngai 16/12/2019 bơh Bộ Chính trị dê bè bơtàu tơnguh [òn dờng Buôn Ma Thuột tus nam 2030, broă wèt sền tus nam 2045 đơs loh: Bơt bơtàu mờ bơtàu tơnguh [òn dờng Buôn Ma Thuột gơ gơs tiah drà tờm Tây Nguyên dê bơh broă ngui mờ tơnguh ua\ ngan rlau jơh ală bơta pràn, bơta [uơn bơh [òn dờng dê, ngan là phan kuơ geh is, ală bơta kuơ niam chài, kah yau, ù tiah tờm, 3 mum bơtàu tơnguh Lào- Việt Nam- Campuchia; bơtàu tơnguh nhơl chờ, broă drơng ala jat gùng dà tơlir, brê bơ nơm, ngac ngar mờ cèng bơta niam chài is bơh tiah Tây Nguyên dê.

Ală gơl gùng tàm [òn dờng Buôn Ma Thuột ndrờm tơlir, rơ hiơm m[ur tờm chi

Ồng Bùi Văn Cường, Bí thư Tỉnh ủy Dak Lak pà git, càr gam pơn jat tai lam lơh ală broă lơh kờ` tơnguh bơta pràn, bơta [uơn bơh càr dê, ai tơlik ală cơ chế krơi is nàng [òn dờng Buôn Ma Thuột bơtàu tơnguh jat di tơngume jơnau đơs pơn dut sồ 67 là tiah drà tơlir, ngac ngar, brê bơ nơm mờ cèng bơta niam chài krơi is bơh tiah Tây Nguyên dê: “Sền gàr, bơtàu tơnguh bơta niam chài rơgơi ală jơi bơtìan kòn cau bơh broă sền gàr niam chài mòn hìu đam mờ geh tu\ ai tơlik ală niam chài mòn hìu đam bơh Buôn Ma Thuột dê nàng lơh bè lơi tus mờ Buôn Ma Thuột geh niam chài mòn hìu đam krơi is, ờ di ndrờm bè Hà Nội, [òn dờng Hồ Chí Minh halà ală tiah drà tàm tiah ring. Tus do geh pal chul chồl tàm [òn dờng Buôn Ma Thuột geh ală anih ràng tơlik bè niam chài, bè bơhìan kis, bơhìan ờs mờng bè lơh chờ cing mồng, đơs pơnđik jòng yal yau Dam San… mờ nac nhơl chờ tus ndo den gơtùi sền go\ ală bơta krơi is mìng tus Tây Nguyên hơ\ sồng gơtùi sền go\”.

46 nam tơ nơ\ ngai dà lơgar tơrgùm dùl, bơh dùl thị xã r[ah lơm, Buôn Ma Thuột neh brồ guh tam gơl pràn kơldang ngan. Mờ ală bơta [uơn mùl geh bè ù tiah, phan geh is mờ bơta niam chài rơgơi, bơta sền gròi dong kờl bơh dà lơgar, bơta dùl nùs ring bal bơh gơ noar atbồ mờ làng bol ală jơi bơtìan kòn cau, [òn dờng Buôn Ma Thuột geh pơn jat tai bơtàu tơnguh, nàng dipal là dùl tiah drà tờm ngan bơh Tây Nguyên.\

Cau mblàng K’Duẩn