VOV4.K’ho – Tàm tơngume pơrjum dờng màng tiah 3 mum bơtàu tơnguh Campuchia – Lào - Việt Nam dơ\ 9 (CLV – 9), drim òr, 24/11, 3 nă kuang gơs gơnap gơnoar atbồ hơđang rlau jơh dà lơgar bơh ală lơgar Campuchia, Lào mờ Việt Nam neh geh dơ\ tìp mat rềp mềl. Ală kuang gơs gơnap gơnoar atbồ hơđang rlau jơh dà lơgar bơh 3 lơgar dê pơnjat tai đơs tờm nùs nhơm lơh ngan bơh 3 lơgar dê tàm broă sền gàr mờ bơtàu tơnguh rlau tai kơrnuat tam klac kuơ màng tiah 3 mum bơtàu tơnguh Campuchia, Lào, Việt Nam, drơng bơta kơp kờ` bơh làng bol 3 lơgar dê. 3 lơgar lơh ngan mut lơh ngan ngồn 15 rơndap broă geh sền gròi lài ngan bơh tiah do dê neh ringbal jat cồng nha pơrjum. Ală anih lơh broă geh gơnoar mờ ală càr, [òn dờng 3 lơgar geh lơh ngan pơgồp bal lam sồr, hòi jà bơcri priă mờ uă bơta pràn nàng mhar mut lơh ngan ngồn, pơgồp bơnah tơnguh niam rài kis làng bol tàm tiah 3 mum bơtàu tơnguh Campuchia - Lào -  Việt Nam.

             Cau cih mờ yal tơnggit K’Duẩn