VOV4.K’ho - Bal mờ gùt lơgar, 2 poh tai kơnòm bơsram ală cấp bơsram tàm càr Dak Lak mu\t bơsram nam bơsram pa. Gah bơto bơtê mờ bơsram càr gam mhar lơh ală broă, kờ` geh tơl bơta niam, ba` gam geh broă bơsram ing tàm ală anih ndai tai.

Nam bơsram 2017-2018, càr Dak Lak bơcri rơlao 311 tơmàn priă bơh kes priă càr dê bal mờ bơh priă tă gùt mpồl bơtiàn kờ` lơh pa mờ lơh niam wơl mờr 365 jơdu\ bơsram bal mờ ală broă lơh ndai tai ai ală hìu bơsram in, tơnguh rơlao 2 dơ\ priă jăt mờ tu\ do nam lài. Tus tu\ do, ală broă lơh neh lơh gơs, ai ngui kờ` drơng tàm nam bơsram pa.

Mơya, broă lơh ală bơta phan bơna tàm hìu bơsram mầm non mờ cấp 1 gam tìp uă kal ke. Gùt càr gam 458 jơdu\ bơsram ing, bơsram kơnờm tàm ală hìu lơh broă mờ g^t nđờ rơhiang hìu bơsram tàm ală kơnhoàl Krông Bông, Lăk, Buôn Đôn, Ea H’ Leo gam gơbàn ờ kơl jăp mờ tơrlah uă.

Cau cih mờ yal tơng^t Ndong Brawl