VOV4.K’ho – Mang òr 24/09, tàm kơnhoàl nhàr lơgar Ea Súp, Gah lơh broă cau ling sồt să mờ mpồl bơtiàn càr Dak Lak, Mpồl ơruh pơnu càr mờ Anih duh broă làng bol kơnhoàl Ea Súp pơgồp bal bơyai lơh broă lơh “Màng chờ àng kơnhai ndar me tài kơnòm dềt kal ke tiah nhàr lơgar”. Rlau 1500 nă oh dềt tàm ală ntum bơh kơnhoàl Ea Súp dê neh tơrgùm tàm Hìu chài rơgơi kơnhoàl bơh gờn ngan nàng tus bal lơh broă do. Ală oh bal mờ gơ\p rò đèng lòt gan ală gơl gùng tàm kơnhoàl, tus bal nhơl ală jơnau nhơl mờ sền lơh đơs crih tam ya niam ngan. Di tàm dơ\ do, Mpồl bơyai lơh neh jàu 60 bơnah priă dong kờl bơsram, tơl bơnah là 500 rbô đong, 225 bơnah phan (tơl bơnah là 200 rbô đong), 38 nơm rơndeh coh mờ 50 nơm kong tàp ai ală kơnòm bơsram geh rài kis kal ke in. Rlau 1500 nă kơnòm dềt tus bal lơh broă do ndrờm geh pà phan Trung thu.

                                             Cau cih mờ yal tơng^t- Lơ Mu K’ Yến