VOV4.K’ho - Ngai òr (08/7), Gah chài rơgơi-tàp pràn să jan mờ nhơl chờ càr Dak Lak neh bơyai lơh pơrjum cri bơyai di tàm dơ\ tơnkah 55 nam ngai crơng gơs gah nhơl chờ Việt Nam (09/7/1960 – 09/7/2015). Neh 55 nam bơ\t bơtàu mờ tơnguh bơtàu, gah nhơl chờ Việt Nam neh geh ală broă tơnguh bơtàu kuơ màng, pơgồp bal uă tàm broă tơnguh bơtàu bal, tam gơl pa lơh sa dà lơgar. Nhơl chờ càr Dak Lak neh geh uă tam gơl niam bè phan bơna, khà niam drơng cau năc, pơgồp bal tàm broă ai tai uă broă lơh cau lơh broă tàm ală [òn in. Tàm dơ\ cri bơyai, ală anih lơh sa kă bro, mpồl lơh sa kă bro tàm gah nhơl chờ neh cri bơyai uă jơnau gơrềng tus mờ broă pơgồp bal ală dơ\ nhơl chờ, gùng nhơl chờ; tơnguh khà niam broă drơng, hòi jà cau năc ơm tàm càr jo\ ngai rơlao; kơrnoăt, cau lơh broă tàm gah nhơl chờ kung bè ală kal ke tàm broă ơm cau năc dê. Di tàm dơ\ do, geh 4 nă cau geh jàu khà lời kir bơh gah chài rơgơi tàp pràn să jan mờ nhơl chờ dà lơgar dê; 6 mpồl mờ 4 nă cau geh jàu sră jờng rơ anih duh broă làng bol càr Dak Lak tài neh geh cồng nha jăk chài pơgồp bal tàm broă tơnguh bơtàu gah nhơl chờ.

Cau mblàng Ndong Brawl