VOV4.K’ho - Drim òr 16/03, Anih duh broă làng bol càr Dak Lak bơyai lơh pơrjum ờs mờng pah dơ\ kờ` sền wơl cồng nha mu\t lơh kơnòl broă bơtàu tơnguh lơh sa- mpồl bơtiàn, sền gàr niam dà lơgar mờ bơta ngăp lơngai gùl bồ nhai 3 nam do mờ mu\t lơh kơnòl broă tờm tàm tơngai tus. Đơs đơng lam tàm dơ\ pơrjum, ồng Đinh Văn Khiết kuang jăt jơng atbồ Anih duh broă làng bol càr Dak Lak sồr ală kơnă, ală gah lơh broă geh gơnuar mờ bòn lơgar tơr gùm đơng lam mut lơh dùl ròt broă ai cau lòt tuah wàs, lơh niam wơl gùng dà lòt tàm ală rbòng dà tàm sươn sre; brồ guh jơh ală bơta pràn, bơta jak bơh bòn lơgar dê nàng rcăng sơndră trồ prang soăt dà chi tam in; rcăng sơndră ồs sa brê. Gah phan geh is mờ tiah ơm kis kờn pal tơr gùm kờp sền wơl ală bă ù jàu bă ai mpồl lơh sa kă bro in nàng yal mờ Anih duh broă làng bol càr dan geh ală broă lơh đơng, lơh bơsong kờn broă ngui ù di jơnau kờn mờ geh cồng nha. Gah kuang àng kờn pal lơh niam kràn rlau tai ală broă lơh ku\p bơklơn cau lơh tìs, gàr kơ\ bơta ngăp lơngai rơndăp tăp sèng ờdo ờdă tàm bòn lơgar.