VOV4.K’ho - Pa do, geh rơlao 200 anih lơh sa kă bro tàm gùt càr Dak Lak neh tus pơrjum tìp măt, cri bơyai, geh UBND càr bơyai lơh. Uă jơnau kờ` đơs bơh ală anih lơh sa kă bro dê neh geh kuang bàng đơng lam UBND càr, ală sở, gah lơh broă, ală kơnhoàl mblàng di pal tơn tàm pơrjum. Uă jơnau yal bè bơta niam bơcri priă lơh sa kă bro geh yal, lơh ală anih lơh sa kă bro chờ hờp. Kuang bàng đơng lam UBND càr Dak Lak neh bal mờ ală anih lơh sa kă bro mblàng loh làng broă geh mùl màl, dờp ờ uă broă lơh gam ờ pràn tàm boă sền gàr mờ hơ geh mhar tơmù. Mờ ală jơnau lùp mùl màl bơh anih lơh sa kă bro dê, kuang bàng đơng lam càr Dak Lak sồr ală sở, gah, mpồl lơh broă, ală kơnhoàl thị xã, hơ, mblàng mùl màl. Cồng nha geh, ală broă geh đơs tus tàm pơrjum neh geh hơ di pal, geh uă anih lơh sa kă bro đơs niam ngan.

       Cau cih mờ yal tơng^t Ndong Brawl