VOV4.K’ho - Ngai òr (15/3), anih duh broă làng bol càr Dak Lak neh bơyai lơh pơrjum tơn jơh broă lơh kòn cau, broă lơh 135 tơngai bơh nam 2011 tus 2015. Pơrjum neh yal, ală broă lơh neh gơrềng uă ngan tus mờ broă tam gơl tơl ală bơta tàm rài kis, lơh sa-mpồl bơtiàn tiah làng bol kòn cau, tiah kal ke càr Dak Lak dê. Tàm 5 nam do, càr Dak Lak neh bơcri rơlao 500 tơmàn priă lơh jăt broă bơ\t bơtàu ală broă lơh kuơ màng, dong kờl tơnguh bơtàu lơh sa ai 44 ntum mờ 128 [òn kal ke in. Càr Dak Lak kung neh lơh g^t nđờ rơhiang broă lơh dà ngui sa drơng làng bol kòn cau in, rồ ù lơh sa ai rơlao 1 rơbô hìu in, lơh hìu ơm mờr 400 hìu nhă in, sền kuơ broă bơto bơtơl mờ ngui kuang bàng là kòn cau, mờ ai làng bol kòn cau in càn priă mờ priă cồng ờ uă geh rơlao 14 tơmàn priă kờ` tơnguh bơtàu lơh sa. Bu\ lah cồng nha neh lơh tam gơl muh măt [òn lơgar tàm càr Dak Lak, mơya broă tơnguh bơtàu lơh sa tàm tiah làng bol kòn cau gam lơyài mờ ờ hềt ring niam; khà hìu rơ[ah tàm mpồl jơi bơtiàn kòn cau gam uă jăt mờ khà bal càr Dak Lak dê; bơta niam bơto bơtê mờ bơsram, lơh sơnơm, broă tơnguh bơtàu kuang bàng lơh broă ờ hềt di pal mờ mùl màl.

        Cau cih mờ yal tơng^t Ndong Brawl