VOV4.K’ho - Drim ngai  òr nao (15/4), duh broă sùm mpồl đơng lam Đảng càr Dak Lak neh bơyai lơh pơrjum tơn jơh sền wơl broă mờng chài broă bơyai lơh pơrjum dờng ală tiah tơlòng jăt broă pồ tơn mpồl đơng lam sùm, kuang atbồ đơng lam, kuang jăt jơng atbồ đơng lam đảng tơngai lơh broă bơh nam 2015 tus 2020. Đơs tàm pơrjum, ồng Êban Phu kuang jăt jơng atbồ mpồl đơng lam Đảng càr Dak Lak, neh sồr, tàm tơngu me sền wơl broă mờng chài bơh pơrjum dờng tơlòng lài tàm ală tiah, ală mpồl đơng lam đảng ờ hềt bơyai lơh pơrjum dờng pal lơh niam broă rơcang bè tơngu me, bơ\t bơtàu broă lơh lài, ring niam tơngai, tam pà kơnòl mùl màl, loh làng, di pal ai ală kuang bàng tàm mpồl kuang atbồ mờ ai tơl ală sră nggal gơrềng bal tus mờ kuang bàng geh dờp kơnòl. Broă lơh khà kuang bàng pal lơh jăt mờ jơnau bơto sồr bơh gơnoar dờng rơlao dê, kuang bàng tàm mpồl đơng lam tơl bè khà neh ai, broă ai tơl^k, geh tơl nùs nhơm niam, bơta pràn mờ bơngă pin dờn.

Cau mblàng Ndong Brawl