VOV4.K’ho - Drim òr (22/5), càr Dak Lak neh bơyai lơh tơnkah 40 nam ngai crơng gơs mpồl ling sền gàr tiah nhàr dà lơgar càr do dê (23/5/1975-23-5/2015). Ngai do tàm 40 nam lài, kuang àng làng bol geh phào càr Dak Lak-do là mpồl sơnrờp bơh mpồl ling sền gàr tiah nhàr dà lơgar càr Dak Lak dê geh crơng gơs tàm tơngu me tơrgùm bal kuang àng geh phào 2 càr Dak Lak mờ Quảng Đức bal mờ g^t nđờ rơhiang nă kuang bàng, cau ling geh ai tus bal bơh ală càr Lạng Sơn, Sơn La tus bal.

Ling sền gàr tiah nhàr dà lơgar càr Dak Lak lòt sền gròi tiah nhàr dà lơgar

                Sơlèt mờ ală kòl jan kal ke, ală pôs ling, anih sền gàr tiah nhàr dà lơgar neh lơh niam kơnòl sền gàr tiah nhàr dà lơgar, lam sồr làng bol bơ\t bơtàu tiah sơndră sền gàr kơl jăp gơnoar lơngăp lơngai tiah nhàr dà lơgar. Mìng is tàm 4 nam pa do, mpồl ling sền gàr tiah nhàr dà lơgar càr Dak Lak neh bơyai lơh pờ 2 ơdu\ bơsram sră ai làng bol kis tàm tiah nhàr dà lơgar in, kham, pà sơnơm ờ sa priă ai mờr 10 rơbô nă cau in, lơh g^t nđờ 10 broă lơh drơng rài kis lơh sa làng bol in mờ jàu pà g^t nđờ rơhiang nơm hìu ai ală hìu nhă kal ke tàm ală ntum tiah nhàr dà lơgar, mờ khà priă mờr 6 tơmàn priă.

Pơrjum tơnkah 40 nam ngai crơng gơs mpồl ling sền gàr tiah nhàr dà lơgar càr Dak Lak

                 Tus bal dơ\ tơnkah, Đại uý Lưu Minh Hưng, cau lơh broă gah gùng dră bal, mờ là kuang jăt jơng atbồ mpồl ling sền gàr tiah nhàr dà lơgar Dak Ruê đơs: “Tềng đăp mờ kơnòl broă lơh sơlơ ngai sơlơ geh uă mờ kal ke, den kuang bàng, cau ling tàm mpồl pal tơnguh sùm ală cồng nha neh geh mờ lơh ngan rơlao tai tàm broă bơ\t bơtàu mpồl ling pràn kơl dang tơl ală bơta, sền gàr kơl jăp gơnoar lơngăp lơngai tiah nhàr dà lơgar, sền gàr lơngăp lơngai gùng dră bal niam ờ do ờ dă mpồl bơtiàn tàm do, di pal mờ nùs nhơm kờ` gơboh bơh làng bol ală jơi bơtiàn kòn cau dê tus mờ cau ling sền gàr tiah nhàr dà lơgar, tàm hơ\ uă ngan là ală oh mi ơm drơng broă tàm tiah bồ tô dà lơgar”.

                                                                     Cau mblàng Ndong Brawl