VOV4.K’ho - Drim òr (20/01), tàm [òn dờng Buôn Ma Thuột, Uỷ ban Nhân dân càr Dak Lak neh bơyai lơh pơrjum “Broă hòi jà tăc phan mờ lơgar bơdìh bơh AmaZon”.

                                                                    Yal bè AmaZon

Tàm pơrjum, ală cau jăk chài tus bơh ală mpồl lơh broă gơrềng bal neh ai geh broă hòi jà tăc phan mờ lơgar bơdìh mờ tơnguh bơtàu khà măt kă bro bơh ală mpồl lơh sa kă bro, tàm hơ\ uă ngan là mpồl lơh sa kă bro gam lơh broă tàm càr Dak Lak bơh broă kă bro điện tử tàm tơngu me tờm AmaZon.

Jăt Sở Công thương càr Dak Lak yal, tàm bơta kòp Covid-19 gam ờ hềt gơmù, ală broă lơh sa kă bro bơh mpồl lơh sa kă bro gơtìp aniai uă ngan, drà kă bro tăc phan mờ lơgar bơdìh kung bè tiah lơh geh phan kă bro tàm dunia geh ală broă tàm bơrlu\ bal mờ gơtìp koh gơl, broă tơnguh broă tăc phan mờ lơgar bơdìh bơh broă kă bro điện tử AmaZon là broă lơh geh cồng nha, gơtùi dong kờl ală phan geh lơh tàm càr Dak Lak, mpồl lơh sa kă bro càr Dak Lak rơhời tus bal uă rơlao tàm mpồl geh kuơ, mpồl ai phan kă bro gùt plai ù.

Cau mblàng Ndong Brawl