VOV4.K’ho – Dak Lak geh git nđờ jơt rbô anih lơh cơ khí, lơh dơm chi mờ ală bơta phan ngui bơt bơtàu ndai. Ală anih do geh khà cau lơh broă uă ngan, mơya broă sền gàr cau lơh broă ờ hềt geh sền gròi dipal, pơhìn lơh roh ờ do ờ dă lơh broă uă. Nam lài, gùt càr gơlik geh 29 dơ\ rềs àr lơh broă, lơh 9 nă cau chơt, 20 nă cau sồt să. Bơdìh mờ jơnau tài cau lơh broă ờ hềt sền gròi tus broă sền gàr is să tờm, den jơnau tờm ngan là cau tờm ngui cau lơh broă jòi broă nàng tơmù priă jền, den tàng ờ blơi tơl phan bơna sền gàr mờ ờ huam bơyai lơh bơto pơlam cau lơh broă in. Mò Trần Thị Thu Hòai, kuang atbồ gah lùp sền di gah lơh broă, cau ling sồt să mờ mpồl bơtìan càr Dak Lak pà git: Bơh nam 2013 tus tu\ do, Gah lơh broă, cau ling sồt să mờ mpồl bơtiàn càr mìng lùp sền, sền gròi geh 23 mpồl lơh sa kă bro tàm càr Dak Lak, uă ngan là ală gah crap lơh, ai ală anih dềt mờ ràh rài den ờ hềt geh mut lơh.

                                                                         Cau mblàng K’ Duẩn