VOV4.K’ho – Mho òr (15/2), UBND kơnhoàl Krông Năng, càr Dak Lak tơlik kơrnuat lơh glài 6 nă kuang bàng kơnhoàl dê, sang sơbì cồng nha pơr lòng tus mờ ờ uă cau pơr lòng gơ rềng tus broă mpờl gi\t jơnau lùp pơr lòng cau lơh broă sa priă nhai dà lơgar kơnă xã tàm nhai 7 nam 2016. Ală cau gơtìp lơh glài geh: ồng Châu Văn Lượm, Phó Chủ tịch UBND kơnhoàl, Chủ tịch Hội đồng pơr lòng, ồng Cao Xuân Phu, Phó kuang atbồ Phòng Nội vụ, Phó Chủ tịch Hội đồng pơr lòng mờ ồng Nguyễn Văn Hồng, Phó kuang atbồ Phòng Nội vụ. 3 nă cau do gơtìp lơh glài mờ broă sền tìs di, ai geh mờng chài tềng đap UBND kơnhoàl; ồng Mai Quốc Doanh, kuang atbồ Phòng phan geh is mờ tiah ơm kis kơnhoàl gơtìp lơh glài đơs lah, ờ tơmut tàm rơndap lài mpồl kuang bàng mpồl Đảng kơnhoàl dê, tơngai lơh broă bơh nam 2020 tus nam 2025; 2 nă cau gơtìp lơh glài ntrờn lơh broă là ồng Lê Ngọc Sáu, Phó kuang atbồ Phòng lơh sa mờ phan bơna mờ ồng Dương Ngọc Chính, cau lơh broă phòng Nội vụ. Bal mờ hơ\, Ủy ban sền sơ wì huyện uỷ Krông Năng kung gam lơh loh broă lơh tìs nàng lơh glài tàm gah Đảng tus mờ ală kuang bàng geh gơ rềng. Jơh ală kuang bàng pa yal neh lơh tìs jơnau sồr, lơh mpờl dùl bơnah jơnau lùp pơr lòng di sră cih mat dơp ndơl dà lơgar dê, bơh hơ\ lơh aniai tus cồng nha pơr lòng cau lơh broă sa priă nhai dà lơgar kơnă xã tàm nhai 7 nam 2016 kơnhoàl dê, lơh gơbàn ờ suk tàm mpồl bơtiàn.

                                                                                 Cau cih mờ yal tơnggit K’Duẩn