VOV4.K’ho - Tơnơ\ mờ rơlao 10 nam lơh [òn pa, [òn Bình Lợi, xã Cư\ Mlan, kơnhoàl tiah nhàr dà lơgar Ea Súp, càr Dak Lak kung gam ờ hềt geh ồs đèng ngui. Rài kis, broă lơh sa làng bol gơbàn uă ngan kal ke.

Tu\ do, đah lơh ồs đèng Ea Súp, Công ty Điện lực Dak Lak gam mhar du^ che ồs đèng tus hờ [òn kal ke do kờ` di pal mờ rài kis mờ tơnguh bơtàu lơh sa mpồl bơtiàn.

Bơh thị trấn Ea Súp tus [òn Bình Lợi, xã Cư\ Mlan ngài rơlao 30 kơi sồ gùng ù. Tam cah is mờ kơh bơnơm, mìr sre, rài kis bơh rơlao 250 hìu làng bol gơtìp uă kal ke tài ờ hềt geh ồs đèng.

Rơlao 10 nam bơh càr Lạng Sơn tus ơm kis mờ lơh broă tàm [òn Bình Lợi, hìu nhă ồng Lý Văn Viền, kòn cau Nùng geh 3 lồ ù tam tòm điều, 1 lồ kơphe tam bơrlu\ bal mờ tiêu mờ lơh hìu rềp tềng gah gùng, pờ anih tăc phan.

Bu\ lah tơriang tơriồng tàm broă lơh sa, mơya tài ờ hềt geh ồs đèng den tàng rài kis kung gam ờ hềt pas gơs sơl. Tu\ do go\ cau gam du^ che ồs đèng tềng đăp gùng, ồng Lý Văn Viền bal mờ ală làng bol kis tàm [òn chờ hờp ngan.

- Hìu nhă a` tus tàm do bơh nam 2006. Rài kis làng bol tàm do kal ke ngan. Lài do den ờ geh ồs đèng, ờ geh gùng lòt, ờ geh hìu bơsram, mơya tu\ do neh geh gùng lòt, geh hìu bơsram mẫu giáo mờ Dà lơgar gam lơh ồs đèng.

A` chờ hờp ngan tài geh ồs đèng àng mờ blơi măy [ồm dà tuh kơphe, tiêu in. Hìu tăc phan hìu nhă a` geh gal cau tus blơi rơlao.

Kuang atbồ [òn Bình Lợi, bi Lý Tòn Chuống pà g^t, làng bol tàm [òn do ndrờm là kòn cau bơh tiah kơh bơnơm đah tô dà lơgar tus ơm kis neh rơlao 10 nam do. Tus nam 2011, [òn mùl màl geh crơng gơs, mờ 252 hìu, rơlao 1 rơbô nă cau.

Tài kis ngài mờ tiah tàm gùl xã Cư\ Mlan rơlao 40 kơi sồ, gùng lòt kal ke, tàm hơ\ uă ngan là ờ hềt geh ồs đèng, den tàng rài kis làng bol gam uă kal ke, uă làng bol gam gơwèt hìu rơ[ah.

Ngai pah ngai lòt lơh broă, trồ mang rê chu đèng jờu, ală hìu nhă ờ geh phan lơi kờ` pơrài să jan, oh kòn kung ờ lah bơsram sră, jơnau tơng^t kung gơbàn ờ geh tài điện thoại jơh pil.

Là klao pơnu tơriang tơriồng, `hăp `har tàm broă lơh, tu\ geh gùng dà broă lơh ồs đèng tus hờ [òn, bi Chuống neh lam sồr ală cau tàm [òn lơh niam ală tiah geh gùng che ồs đèng lòt gan, ai tơl bơta niam kờ` chồl mhar broă lơh mờ gàr niam ờ do ờ dă gùng che ồs đèng. Bi Lý Tòn Chuống đơs:

- Ờ hềt geh ồs đèng den làng bol lơh sa gơbàn kal ke ngan. Priă kờ` tuh dà phan tam in den kas ngan. Tơl dơ\ tuh 1 lồ den jơh bơh 3 tus 4 tơlăk priă blơi jờu.

 Làng bol kờ` geh ồs đèng drơng tàm broă lơh sa, tuh dà phan tam in, kờ` oh kòn in bơsram sră. Geh ồs đèng den trồ mang làng bol gơtùi tìp bal đơs crih tamya.

Jăt gah gùng bơh xã Ea Lê, tus [òn Bình Lợi, xã Cư\ Mlan, gùng che ồs đèng trung thế neh geh lơh gơs. Kuang bàng đơng lam Công ty Điện lực Dak Lak pà g^t, broă lơh do geh broă lơh gùng che ồs đèng trung th61 22 kV, jòng 22 kơi sồ, 11 kơi sồ gùng che ồs đèng hạ thế mờ 4 anih biến áp, mờ kờp jơh khà pràn 520 kVA, geh Tổng công ty Điện lực Miền Trung bơcri rơlao 15 tơmàn priă kờ` lơh ồs đèng [òn Bình Lợi in.

Ồng Nguyễn Văn Sỹ, atbồ Điện lực kơnhoàl Ea Súp pà g^t, bu\ lah lơh tàm kàl mìu gơbàn kal ke, mơya công ty do geh lơh ngan lơh gơs tàm nhai 8 do, di tàm dơ\ tơnkah 40 nam crơng gơs kơnhoàl:

- Làng bol tus kis tàm do ờ tơrgùm bal, den tàng broă lơh ồs đèng tìp uă kal ke, bơcri priă uă ngan mơya làng bol kis ờ tơrgùm bal tơl bă tiah mìng geh 2, 3 hìu.

Broă lơh ồs đèng [òn Bình Lợi in di gơlan geh lơh gơs di tàm dơ\ tơnkah 40 nam crơng gơs kơnhoàl. Bol a` kung lơh ngan kờ` lơh gơs kơnòl do.

Tàm tiah nhàr dà lơgar Ea Sup, càr Dak Lak kàl do, geh tu\ trồ tơngai duh, geh tu\ trồ mìu; gùng lòt bo\ mbè lơm, broă lơh gùng che ồs đèng hạ thế bal mờ ală anih biến áp tìp uă ngan kal ke, mơya mpồl kuang bàng, cau lơh broă đah ồs đèng Ea Sup lơh ngan chồl pràn broă lơh.

Rơlao 250 hìu làng bol tàm [òn Bình Lợi gam chờ hờp kơ\p geh 1 broă tam gơl pa. Mìng gam 10, 20 ngai tai, tàm tiah sar lơgar ngài do geh àng ồs đèng dà lơgar tus, ai tơl bơta niam, bơta [uơn tàm rài kis lơh sa mờ tơnguh bơta ngăc ngar làng bol in.

Cau cih mờ yal tơng^t Ndong Brawl