VOV4.K’ho - Ngai òr (11/4), Ban Thường vụ Đảng uỷ càr Dak Lak neh bơyai lơh pơrjum mpồl đơng lam Đảng uỷ càr pờ ơnàng dơ\ 9. Tàm pơrjum, ală kuang bàng neh ai uă tơngai cri bơyai, pơgồp bal jơnau đơs bè broă tơnguh bơtàu mpồl kuang bàng lơh broă, broă sền gàr tiah kis, broă pơn jăt tai chồl pràn lơh niam sră nggal, sền gàr dồs bal… Tàm 3 nhai bồ nam do, broă tơnguh bơtàu lơh sa mpồl bơtiàn càr Dak Lak neh geh uă cồng nha niam, ală khà tòm geh lơh ndrờm tơnguh jăt mờ tu\ do nam lài. Tàm ală nhai tus, càr Dak Lak tơrgùm chồl pràn broă lơh niam wơl broă lơh sa suơn sre; rơcang lơh ală broă sơndră mờ trồ prang; tơnguh broă sền gàr brê; pơn jăt tai rơndăp; tam gơl pa mờ tơnguh bơ8tàu, tơnguh cồng nha broă lơh bơh công ty nông, lâm nghiệp… Kuơ màng ngan là lơh ală broă tơnguh broă sền gàr tă dia; pơn jăt tai sền gròi tơnguh uă bơta niam broă bơto bơtê mờ bơsram, lơh sơnơm, chồl pràn broă tơn jơh jơgloh, tơmù rơ[ah, tàm hơ\ uă ngan là tàm tiah làng bol kòn cau…

Ban Chấp hành Đảng [ộ càr Gia Lai kơnă XV kung pa bơyai lơh pơrjum dơ\ 8 pờ ơnàng. Tàm 3 nhai bồ nam do, broă lơh sa - mpồl bơtiàn bơh càr Gia Lai dê geh ală bơta tam gơl niam ngan; uă broă rơndăp lơh neh lơh geh mờ gơguh pơndrờm bal dùl tu\ mờ nam lài. Bè lơh sa sươn sre - brê bơnơm bơtàu tơnguh ngan; Broă lơh bơ\t bơtàu [òn lơgar pa neh geh 30 xã lơh geh jơh ală broă sồr lơh; Priă geh bơh tăc phan mờ lơgar ndai kờp du\ geh 172 tơlak đôlar Mỹ (gơguh mờr bàr dơ\ pơndrờm bal dùl tu\ mờ nam lài); Kờp jơh tă dia dà lơgar kờp du\ geh mờr 1200 tơmàn (mờr geh 1/3 broă rơndăp lơh nam). Ală broă, bè chài rơgơi - mpồl bơtiàn, sền gàr tơl niam rài kis mpồl bơtiàn, tơn jơh jơgloh tơrmù rơ[ah, lơh geh broă lơh pơn jat tai geh uă bơta gơguh jak. Pơrjum neh yal 5 kơnòl broă tờm pal lơh tàm ală nhai pơn jat tai, mờ bơta lơh ngan jơh nùs mu\t lơh tus geh ală jơnau kờn bơtàu tơnguh lơh sa - mpồl bơtiàn bơh càr Gia Lai dê tàm nam 2017 do.

Cau cih mờ yal tơng^t Ndong Brawl – Lơmu K’ Yến