VOV4.K’ho – Drim òr ngai 30/5, tàm hìu chài rơgơi ơruh pơnu kơnòm dềt, mpồl ơruh pơnu Cộng sản Hồ Chí Minh càr Dak Lak pơgồp bal mờ Gah lơh broă cau ling sồt să mờ mpồl bơtiàn càr bơyai lam lơh nhai lơh broă tài kơnòm dềt mờ mut lơh broă lơh kàl rlô bơkang nam 2015. Mờ tơngume “ Iat kơnòm dềt đơs”, nhai lơh broă tài kơnòm dềt nam do geh càr Dak Lak bơyai lơh uă broă lơh kờ` bơtàu tơnguh gơnoar tus bal bơh kơnòm dềt dê mờ lam lơh mpồl bơtiàn ai geh bơta niam nàng kơnòm dềt in geh đơs jơnau đơs he dê. Hìu chài rơgơi ơruh pơnu kơnòm dềt càr Dak Lak kung bơyai lơh ală broă lơh, lơh geh ală anih nhơl `o\ kơnòm dềt jat ală mpồl kơnòm dềt; bơyai lơh ală broă lơh tàp pràn să jan, nhơl `o\, pơlam rơcang sơndră kòp bơtờp mờ rơcang sơndră rềs àr sồt să. Tàm ală kơnhòal, [òn drà, nhai lơh broă tài kơnòm dềt mờ broă lơh kàl rlô bơkang geh mut lơh jat jơnau đơs: Ai [òn làng bol ơm kis lơh anih bơyai lơh broă lơh, ală mpồl lơh anih pơrjum bal, sền gròi, sền gàr kơnòm dềt, git go\ mờ pơlam bơta chài, lơh gơs anih nhơl `o\ niam, geh kuơ, bơtòm gal kơnòm dềt tus bal. Tàm dơ\ lam lơh, Kes priă sền gàr mờ dong kờl kơnòm dềt càr Dak Lak jàu 40 bơnah priă dong kờl bơsram kờp tus 20 tơlak priă ai kơnòm dềt kuet kơlte, kơnòm dềt rbah sơrlèt gan kal ke; bơyai lơh tìp mat mờ pà rlau 200 bơnah phan ală kơnòm dềt gam kis mờ bơsram tàm ală anih tờm sền gàr mờ dong kờl, anih tờm bơto bơtê kis gơrờm bal kơnòm kuet kơlte mờ jàu rlau 600 bơnah phan ndai ai ală kơnòm dềt tus bal ngai chờ in.

                                                                                   Cau mblàng K’ Duẩn.