VOV4.K’ho - Mho òr (04/08),  lơh broa\ sùm anih duh broa\ làng bol càr Dak Lak neh geh  bùi lơh broa\ mờ mpồl lơh broa\ bơh kuang lơh broa\ ala mat lơgar Myanmar tàm Việt Nam bơh ồng Win Hlaing lam bồ di tu\ mpồl tus jòi wa\  bè bơta mờng tam  cao su, kơphe, tiêu tàm càr. Tu\ do, Việt Nam-Myanmar sùm geh cri bơyai sùm  mpồl kuang bàng ala\ kơna\, lơh geh cồng nha niam bơne\ tus bơta git gơp bơh 2 lơgar. Bè broa\ lơh sa suơn sre  la kòi,  tiêu, kơphe, Myanmar kờ` ngan bơta dong kờl bơh Việt Nam bè công nghệ mờ rcang dờp bơcri bơh Việt Nam tus mờ gah do. Ồng Y Dhăm Ê`uôl kuang jat jơng atbồ anih duh broa\ làng bol càr Dak Lak neh yal tơnggit ala\ bơta pràn tàm tam  phan mờ ala\ chi tam jo\ sơnam tờm ngan càr dê la kơphe, cao su, tiêu. Đơs tờm Dak Lak rcang tam klac mờ Myanmar tàm gah lơh broa\ sa suơn sre mờ rcang ai cau jak tus Myanmar kờ` geh dong kờl tam kơphe, cao su, tiêu mơ kung kơp kờ` ala\ mpồl lơh sa ka\ bro bơh Myanmar bơcri tàm Dak Lak tàm broa\ lơh bơceh lơh phan lơh geh.

                                                Cau mblàng K’ Brọp.