VOV4.K’ho – Yal bè broă cau jàm tàm càr Dak Lak pal ngui priă ai cau in nàng geh toh glài tơngklàs jàm tàm dơ\ tơngkah ngai Sơntờm dà lơgar 2/9 pa do là jơnau đơs bu ba lơm, hơ\ là jơnau đơs tờm bơh kuang đơng lam Kuang àng càr Dak Lak dê tàm dơ\ pơrjum bău ờs mờng pah dơ\ bơh Anih duh broă làng bol càr Dak Lak bơyai lơh mho òr 15/09. Lài hơ\, ồng Trần Minh Lợi, ơm tàm kơnhoàl Cư\ Kui`, càr Dak Lak pơyua sră yă ală kuang bàng lơh broă tàm Hìu jàm Kuang àng càr Dak Lak geh broă lơh kờn cau hìu bơnhă cau jàm dê ai priă jền nàng geh toh glài tơngklàs jàm. Cồng nha lùp khàu bơh sơnrờp, tơngume yal yă broă cau jàm pal ai priă nàng geh toh glài tơngklàs jàm là tìs lơm. Jơh 10 nă cau jàm geh yal mat tàm sră yă ndrờm pa gơtìp jàm, ờ tơl bơta pal geh e\t ngan rlau jơh nàng geh sền sơ wì toh glài tơngklàs jàm. Đại tá Đoàn Quốc Thư kuang jat jơng atbồ Gah Kuang àng càr Dak Lak, đơs: “64 nă cau jàm gơ wèt bơta atbồ bơh ală hìu jàm càr Dak Lak dê geh toh glài tơngklàs jàm tàm ngai 2/9 pa do, den jơh ală ndrờm ờ geh mat tàm sră cih mat mờ ồng Lợi đơs là ai priă jền halà gơtìp kuang bàng kờn sa priă jền nàng geh dờp toh glài tơngklàs jàm. Mờ ală cau jàm geh mat tàm sră cih mat tàm sră yă là ală cau pa geh kơrnoat geh ai ngui bơh anih cah r`a ală kơnă dê nàng rcang lơh jat bơta lơh glài. A` dan đơs tờm là broă bơsong toh glài tơngklàs jàm pa do tàm ù tiah càr Dak Lak là di mờ jơnau cih mờ geh mu\t lơh jat di ală tơl khà tơl kơnă sền sơ wì mờ ală mpồl duh broă sền sơ wì dê”..