Nam 2014 là nam dơ\ pe sùm càr Dak Lak ờ lơh gơs khà tă priă dia dà lơgar dê. Tàm pơrjum đơs broă lơh bơtàu tơnguh lơh sa mpồl bơtiàn nam 2014 bơh Anih duh broă làng bol càr Dak Lak dê bơyai lơh drim òr 6/1, khà tă tơm priă dia dà lơgar nam 2015 geh yal la geh mìng gơguh rlau rhiang tơmàn priă pơndrờm mờ nam 2014, jơnau là tài lơh sa lơyài bơtàu tơnguh wơl. Jăt jơnau đơs bơh Anih duh broă làng bol càr Dak Lak dê, lơh sa bơh càr Dak Lak dê kung gam ơm tàm bơta lơyaì bơtàu tơnguh wơl, khà mpồl lơh sa kă bro ơm lơh broă sơlơ pơn jăt tai gơguh, tàm tu\ gơ hòi bơcri priă là ờ huan geh ngan. Tàm bơta geh ngan do, càr Dak Lak mìng geh jơnau kờn tă tơm priă dia dà lơgar geh 3650 tơmàn priă gơguh 125 tơmàn priă pơndrờm mờ nam 2014. Ồng Bùi Văn Chuẩn kuang jăt jơng atbồ Mpồl lơh broă dia càr Dak Lak dê, pà gi\t:“ Dak Lak gam ơm tềng đap uă ngan bơta kal ke, tài bơh ờ uă phan bơna pràn bơh càr dê, bè kau su, den khà priă kă bro gơmù lơyah ngan. Bơta dơ\ bàr là trồ prăng den pa do, Dak Lak neh ờ geh uă priă jền bơh hìu măi pờ tơlik ồs đèng là uă ngan, mờ jăt jơnau đơs lài den pơn jăt tai bơh nhai 1 tus nhai 6 kung digơlan gơtìp kal ke tài bơh dơng dà bơh ală tơnau bơ tơ\t dơng dà dê drơng pờ tơlik ồs đèng kung là dùl ê\t ngan; den digơlan tàm nam tus kung kal ke ngan tàm broă tă tơm priă dia dà lơgar bơh càr Dak Lak dê”.