VOV4.K’ho - Pơn jăt tai dơ\ lơh broă tàm càr Dak Lak, mho òr (22/6), Mpồl kuang bàng lơh broă bơh Bộ Nông nghiệp mờ Phát triển Nông thôn geh ồng Nguyễn Xuân Cường, Bộ trưởng Bộ Nông nghiệp mờ Phát triển Nông thôn lam bồ neh geh dơ\ lơh broă mờ Thường trực Tỉnh uỷ Dak Lak bè broă tơnguh bơtàu lơh sa mpồl bơtiàn 6 nhai bồ nam 2020.

                                                                   Anih lơh broă

 6 nhai bồ nam, khà priă geh lơh bơh phan lơh broă geh tàm càr Dak Lak di gơlan geh rơlao 22 rơbô 600 tơmàn đong, ndrờm mờ 36% khà rơndăp broă tàm nam 2020, tàm hơ\ gah lơh sa suơn sre gam là gah lơh broă geh gơnoar tòm mờ kờp jơh khà phan geh lơh mờr 7 rơbô 300 tơmàn đong, gơguh rơlao 19% pơn drờm mờ tu\ do nam lài.

      Bộ trưởng Bộ Nông nghiệp mờ Phát triển nông thôn Nguyễn Xuân Cường geh jơnau đơs tàm dơ\ lơh broă

Bơdìh mờ ală bơta tơngo\ niam, ală bơta aniai bơh trồ prang, rềs àr bơh trồ tiah mờ uă ngan là kòp Covid-19 neh lơh gơrềng ờ niam tus mờ uă gah lơh sa càr dê; broă kă bro phan mờ lơgar bơdìh gơmù uă ngan.

Tàm dơ\ lơh broă, ồng Nguyễn Xuân Cường, Bộ trưởng Bộ Nông nghiệp mờ Phát triển Nông thôn đơs là, ală broă tam gơl bè broă lơh sa mờ càr Dak Lak gam lơh là gùng dà broă lơh pal geh kờ` càr Dak Lak tơnguh bơtàu; càr pal sền wơl, mblàng ală bơta kuơ bơh càr dê kờ` ai lài broă tơnguh bơtàu ală gah broă di pal, pleh mờ bơcri rah rài.

Cau mblàng Ndong Brawl