VOV4.K’ho – Bal mờ bơta trồ tiah prang duh gam pơnjat tai gơlik geh kal ke, càr Dak Lak gam pal kong mờ jơnau pơhìn gơbàn ồs sa brê kơnă 5 là kơnă ngòt rơngơt ngan. Bulah neh mhar crơng gơs Mpồl đơng lam rơcang sơndră mờ crùh ồs sa brê, bơyai lơh pơlam tàp mờ jơnau đơs 4 tơn tàm 1 anih, hơ\ là mpồl lơh broă tàm [òn lơgar tơn, đơng lam tơn, phan bơna tàm [òn lơgar tơn mờ broă drơng lơh tàm [òn lơgar tơn, nàng rơcang lài bơsong ală bơta gơlik geh bơh [òn lơgar, mơya tơngai do, tàm càr Dak Lak kung gam gơlik geh 5 dơ\ ồs sa brê, lơh hoàc huơr rlau 50 lồ brê tam. Jat ồng Trang Quang Thành kuang atbồ Gah lơh broă sa mờ bơtàu tơnguh [òn lơgar càr Dak Lak, ală mpồl tờm brê geh sa priă nhai bơh kes priă dà lơgar neh mut lơh niam broă rơcang sơndră mờ crùh ồs sa. Ồng đơs là, gùt mpồl lơh broă gùng dră bal pal lơh broă bal krà` cê hơ\ sồng gơtùi mut lơh niam broă rơcang sơndră ồs sa brê đơs is kung bè sền gàr brê đơs bal: “ Bol a` neh pơgồp bal krà` cê ngan mờ ală mpồl lơh broă ntum mờ mpồl sền gàr brê ală kơnhòal, mut lơh broă rơcang sơndră ồs sa niam ngan, den tàng uă nam do tàm càr ờ gơlik geh ồs sa brê. Mơya tu\ do ờ uă mpồl lơh sa kă bro is den mut lơh broă sền gàr brê ờ niam den nàng neh gơlik geh ồs sa brê. Den tàng jơh ală mpồl lơh broă pal tus bal sền gàr brê, ờ di mìng dùl gah broă lơh den gơtùi sền gàr brê.”

                                                                                                                                               Cau mblàng K’ Duẩn.