Dùl rùp rài [uơn ngan go\ bè broă tềm pềr ồs đèng tàm [òn dờng Buôn Ma Thuột, càr Dak Lak, hơ\ là broă lơh ồs đèng kờ` àng tàm [òn lơgar. Mờ khà “Àng - Tơlir - Kloh - Niam”, mơya broă kờ` ai tơl^k là pal tềm pềr ồs đèng. Den tàng, mpồl lơh broă sòl àng, Công ty TNHH MTV Đô thị mờ Môi trường Dak Lak neh geh uă broă lơh tàm broă ngui, bơcri priă lơh sòl àng.

Ồng Thái Văn Phẩm, Abồ Công ty pà g^t, jăt bơta pràn geh crăp bơh broă lơh kờ` sòl àng gùng lòt tàm [òn, [òn dờng Buôn Ma Thuột yal, pah nam hoàc huơr pơgăp 25 tơmàn priă ồs đèng. Mơya, mờ uă broă lơh krơi is, mpồl lơh broă do neh tềm pềr pơgăp 40%. Bè hơ\, khà priă tềm pềr geh tàm 1 nam mờr 10 tơmàn priă. Ồng Thái Văn Phẩm đơs:

- Broă tềm pềr he dê den geh 3 broă lơh tòm. Lài ngan là til – pờ jăt tơl kàl, dơ\ 2 là koh kơrian, ală tiah geh bơta àng uă den he koh tơmù. Broă lơh dơ\ 3 là pal bơcri priă blơi ală phan sòl àng geh cồng nha uă, bè ồs đèng led, cồng nha đèng do geh bơh 85 tus 90%. Bơh nam 2008 mu\t lơh den mìng tềm pềr geh pơgăp bơh 30 tus 32%, mơya tơnơ\ mờ hơ\ den geh lơh uă den tàng neh tềm pềr tus bơh 40 tus 42%, pah nam tềm pềr di pơgăp 9 tơmàn priă.

Ồng Hà Văn Chương, atbồ mpồl lơh ồs đèng đah tô [òn dờng Buôn Ma Thuột pà g^t, tàm ală nam do, mpồl lơh broă do neh geh uă broă lơh kờ` tềm pềr ồs đèng. Mùl màl bè chồl pràn broă lam sồr, bơto sồr làng bol mờ anih lơh sa kă bro ngui ală bơta phan geh cồng nha uă bè [ong đèng compac, đèng led, khàr dà duh geh ngui bơta duh bơh măt tơngai,…

Kơnờm mờ hơ\, tàm ală nam do, khà ồs đèng geh tềm pềr gơmù uă ngan. Mìng is 4 nhai bồ nam 2017 do, mpồl lơh ồs đèng đah tô {uôn Ma Thuột neh tơmù geh mờr 2 tơlăk 300 rơbô kWh ồs đèng. Ồng Hà Văn Chương đơs:

- Ồs đèng đah tô [òn dờng Buôn Ma Thuột neh lơh uă ngan broă lơh kờ` tềm pềr ồs đèng. Hơ\ là lam sồr mờ loa, mờ rơndeh turi lòt lam sồr mờ bơto sồr ală làng bol in bè broă ngui tơl bơta phan, tơl phan lơh broă tàm hìu nhă; pơn jăt mờ hơ\ là ală pang sră bơto sồr làng bol ngui geh cồng nha ngan.

Mpồl lơh ồs đèng geh ală broă lơh mùl màl tus mờ ală anih lơh sa kă bro ngui ồs đèng uă bè broă ngui ală bơta phan, tềm pềr mờ geh cồng nha uă ngan, tơngai ngui tàm 1 ngai di pal kờ` lơh ndrờm bal mờ tơmù hoàc huơr ồs đèng.

Tềm pềr ồs đèng pal geh lơh bơh nùs nhơm g^t wă cau ngui dê. Den tàng, broă lam sồr sùm geh gah lơh ồs đèng Dak Lak sền kuơ mờ lơh tàm ală kơnhoàl, thị xã mờ [òn dờng tàm càr mờ uă broă lơh bè: Ai rơndeh lòt turi, yồng băng rôn, panô, áp phích; lam sồr tàm anih pờ tơl^k jơnau đơs, sơnđio rùp, sră [ăo mờ jơnau nhắn tin tàm điện thoại tus mờ cau ngui ồs đèng, bơyai lơh “Jơ plai ù”.

Kuơ màng ngan tàm ală nam pa do, Công ty ồs đèng Dak Lak neh pơgồp bal mờ gah bơto bơtê mờ bơsram tàm càr do bơyai lơh pơlòng kơlôi sơnơng kờ` g^t bè broă tềm pềr ồs đèng tàm ală hìu bơsram. Oh Hứa Thị Phương Mai, bơsram ơdu\ 9D, hìu bơsram cấp 2 Tân Lợi, [òn dờng {uôn Ma Thuột pà g^t, bơh tàm dơ\ pơlòng bal mờ broă lam sồr, neh dong kờl oh g^t wă rơlao tai bè bơta kuơ bơh broă tềm pềr ồs đèng mờ sùm sồr ală cau tàm hìu nhă lơh jăt bal:

- Tềm pềr ồs đèng ờ mìng tơmù broă ngui ồs đèng mờ he gam tơmù priă tă tàm hìu nhă. Bè tu\ gơsơ\t ồs đèng he ờ ngui, tu\ l^k bơdìh jơdu\ lơh broă. Tàm tu\ geh uă cau ngui, tơmù ờ uă ală phan ngui ồs đèng uă. Di lah ngui măy mrềt den tàm khà bơh 26 độ rơlao hờ đang, tơmù tơngai ngui, mờ he gơtùi ngui ală [ong đèng compac.

Tơnơ\ mờ tu\ kơnòm bơsram ơm rơlô bơkang, tơn jơh pơlòng tềm pềr ồs đèng tàm hìu bơsram, ală mpồl lơh broă tàm Công ty ồs đèng Dak Lak bơyai lơh pơlòng “Tềm pềr ồs đèng tàm ală hìu nhă” mờ broă nhắn tin tus mờ sồ điện thoại bơh cau ngui ồs đèng, bơto sồr ală broă tềm pềr ồs đèng. Tus lồi nam, ală mpồl lơh broă geh sền wơl mờ pơn jờng ală hìu nhă neh geh cồng nha tàm broă ngui ồs đèng tềm pềr.

Ồng Lê Hoài Nhơn, Phó kuang atbồ Công ty ồs đèng Dak Lak pà g^t, kơnờm mờ broă chồl pràn broă lam sồr den tàng khà ồs đèng geh tềm pềr pah nam tơnguh. Mùl màl, nam 2015 tềm pềr geh 25,5 tơlăk kWh ồs đèng, nam lài tềm pềr geh 33,6 tơlăk Kwh ồs đèng mờ nam do geh lơh ngan tềm pềr geh rơlao 35 tơlăk kwh ồs đèng. Ồng Lê Hoài Nhơn đơs tòm, tềm pềr pal geh bơh nùs nhơm g^t wă bơh tơl nă cau, kờ` ngui ồs đèng geh cồng nha.

- Bol a` kờ` ai 1 jơnau yal lài tus mờ cau ngui là tềm pềr ồs đèng mờ gàr niam ờ do ờ dă bè ồs đèng. Hơ\ là, bol a` dan cau ngui tơmù ờ uă ngan broă ngui ală bơta phan ngui ồs đèng uă tàm ală tu\ geh gal cau ngui. Mờ broă lơh tàm càr Dak Lak dê, broă [ồm dà tuh kơphe, tiêu kung pal pơdar bal tuh tàm ală tu\ krơi is kờ` ồs đèng ba` gơbàn uă ir.

Bol a` kung dan mờ gơnoar atbồ pơgồp bal kờ` lam sồr ngui ồs đèng niam ờ do ờ dă mờ tềm pềr. Bơh tu\ hơ\, lơh gơs nùs nhơm g^t wă tus mờ ală làng bol, cau ngui ồs đèng bè broă tềm pềr ồs đèng. Hơ\ là bơ\t bơtàu nùs nhơm g^t wă bal bơh làng bol dê tàm broă ngui ồs đèng; kờ` tơl^k nùs nhơm g^t wă bè tềm pềr ồs đèng, lơh sùm ù tiah tơlir niam, là plai ù he dê.

                                                           Cau cih mờ yal tơng^t Ndong Brawl