VOV4.K’ho - Càr Dak Lak gam mu\t tàm kàl mìu dà tih dà cò geh yal lài là gơl^k geh ni sơna ngan. Ală gah, mpồl lơh broă, ală kơnă bal mờ làng bol tàm càr do gam rơcang ală broă pal geh lơh kờ` sơndră mờ tơmù ờ uă ngan rềs àr.

Plung măy tiă dà sơkal gam hòr jơn tang pơn diang bol a` tiă dà lềng Krông Ana, tàm ntum Ea Trul, kơnhoàl Krông Bông. Cau măy plung là bi Lê Văn Đấu, kis tàm [òn 2, ntum Ea Trul pà g^t, jơh ală plung bal mờ ào pơrđồng là geh anih lơh broă cảnh sát sền gàr gùng lòt kuang àng càr Dak Lak pa pà làng bol in kờ` tiă dà niam ờ do ờ dă tàm kàl mìu: “Tu\ ai ơhò mù là ală bi hơ\ neh bơto bol a` in bè broă lơh kờ` tơl niam ờ do ờ dă tàm gùng lòt tàm dà, kung bè broă lơh jăt broă jun, rò bơto sồr làng bol tiă dà niam ờ do ờ dă”.

Tơl niam ờ do ờ dă tiă plung ntum Ea Trul tàm kàl mìu

             Tàm tiah thòng kơnhoàl Krông Bông, nam lơi ntum Ea Trul kung gơtìp gơbam dà tàm 5 [òn jăt gah dà dờng Krông Ana, mờ mờr 100 hìu gơtìp. Gơnoar atbồ ntum bal mờ làng bol sùm g^t rơcang lài sơndră mờ rềs àr bơh trồ tiah, den tàng ờ hềt tu\ lơi ntum do gơtìp aniai bè kòn bơnus. Ồng Phan Xuân Hoá, kuang jăt jơng atbồ anih duh broă làng bol ntum Ea Trul, kơnhoàl Krông Bông đơs: “Ntum bol a` neh rơcang 2 nơm ơhò, tu\ gơl^k geh dà tih dà cò den lơh jăt broă ntrờn làng bol tus tàm tiah `hoa là tàm hìu bơsram kai 2 mờ hìu bơsram kai 1 tàm do. Tàm kàl mìu dà tih dà cò den bol a` yal sùm, yal lài làng bol in g^t bè dà sơdar, broă di gơlan gơtìp dà cò ờ ai ală kơnòm dềt tus tàm dà dòng mờ ală hìu nhă tiă sùm dà mờ rơkì; mờ bol a` bal mờ mpồl sền gàr tàm ală [òn kung sền gròi sùm, lam sồr làng bol lơh jăt niam ờ do ờ dă”.

Tàm càr Dak Lak, broă ờ su\k ơm ngan gam là broă di gơlan gơtìp rềs àr tàm ală tơnao dơng dà, bơtơ\t rơbòng dà tàm kàl mìu dà tih dà cò. Tu\ do, càr Dak Lak geh tus 317 broă lơh bơtơ\t rơbòng dà gơtìp tơrlah, ờ kơl jăp tai. Lài do, ală broă lơh do geh jàu gơnoar atbồ tàm ală kơnhoàl in bơyai lơh sền gàr ngui, tài ờ tơl kuang bàng lơh broă tòm, den tàng cồng nha ờ niam. Bơh bồ nam tus tu\ do, anih duh broă làng bol càr Dak Lak neh tơl^k kơrnoăt jàu jơh ală bơtơ\t rơbòng dà kờ` anih lơh sa kă bro sền gàr, lơh broă, broă lơh bơtơ\t rơbòng dà Dak Lak in ring bal sền gàr. Gàr niam ờ do ờ dă lài mờ kàl mìu dà tih dà cò mờ tơnguh jơh ală cồng nha bơh ală broă lơh, mờ anih lơh sa kă bro neh bơcri rơlao 10 tơmàn priă mhar lơh niam wơl ală tiah neh gơtìp tơrlah uă, mờ bơ\t bơtàu ală gùng dà, broă lơh nền nòn kờ` sơndră di tu\ mờ ală broă gơl^k geh mùl màl tàm kàl mìu dà tih dà cò.

Sền gròi broă lơh niam ờ do ờ dă tàm bơtơ\t rơbòng dà

               Ồng Lê Gia Dậu, gơnoar atbồ anih lơh broă sền gàr, lơh broă lơh bơtơ\t rơbòng dà càr Dak Lak pà g^t: “Tu\ geh dờp broă lơh rê là bol a` neh lơh niam wơl jơh ală broă lơh ồs đèng bơh ală anih [ồm dà, lơh niam wơl ală broă lơh anih yuh dà neh gơtìp ờ niam. Broă lơh geh làng bol jàu ờ toah wàs, den bol a` pal toah wàs jơh. Den tus tu\ do, bol a` neh lơh niam wơl jơh. Bol a` lơh jăt broă sơndră mờ dà tih, dà cò mờ mìu càl dờng tus tơl broă lơh, geh tus bal bơh ală kơnă, gơnoar atbồ bơh ntum tus kơnhoàl; pal sùm geh cau sền gàr ngai kung bè mang tàm tu\ geh mìu càl dờng, mê mrềt. Mờ ală broă lơh dà lìu is, broă lơh bol a` dê là pal ba` ai gơtl^k geh kòl mpồng lìu dà, pal lơh niam mơ kờ` sơndră mờ ală bơta gơl^k geh. Mờ ală broă lơh mpồng yuh dà lìu pal lơh jăt broă lơh di pal tu\ yuh dà, broă tam pà dà tàm tơnao”.

Bal mờ broă tơl niam ờ do ờ dă tàm tơnao dơng dà, ală kơnhoàl tàm càr Dak Lak neh sền gròi jơh broă rơcang mpồl lơh broă, phan lơh broă, broă lơh…. Mờ gùng dà broă lơh 4 tơn tàm tiah rơcang sơndră lài mờ kàl mìu dà cò. Càr Dak Lak bơtơl kơrnoăt pơgồp bal bơh ală anih lơh boă, mpồl lơh broă tàm broă lơh do, tàm hơ\ ngan là broă yal tơng^t lài, yal lài gờ` ală broă di gơlan gơl^k rềs àr bơh trồ tiah tus mờ tơl tiah, tơl tu\, mờ chồl pràn broă lam sồr kờ` làng bol ba` ờ kah. Càr Dak Lak kung gam chồl pràn 6 rơndăp broă lơh [òn ơm kis, ntrờn mờr 800 hìu làng bol l^k bơdìh ală tiah di gơlan gơtìp dà cò, tơrlah ù, gơbam dà sùm…gah lơh sa suơn sre gờ` ai tơngai sih tam kờ` ală [òn rơcang sih tam mờ tơmù ờ uă ngan hoàc huơr bơh trồ tiah lơh aniai.

Jăt jơnau yal lài bơh gah lơh broă yal lài bè trồ tiah dê, kàl mìu nam do tàm càr Dak Lak gơl^k geh ni sơna bè: bồ kàl mìu ờ uă, mơya lồi kàl, di pơgăp bơh nhai 9, nhai 10, mìu geh ni sơna uă mờ sơr. Ồng Mai Trọng Dũng, gơnoar jăt jơng atbồ gah lơh sa mờ tơnguh bơtàu [òn lơgar càr Dak Lak đơs bè broă rơcang lài càr dê lài mờ kàl mìu: “G^t lài ală broă gơl^k geh ni sơna bè hơ\, den tàng anih duh broă làng bol càr neh đơng lam ală kơnă, ală gah, mpồl lơh broă mhar rơcang lơh jăt broă sơndră mờ tơmù ờ uă ngan rềs àr bơh trồ tiah; mùl màl bè sền wơl jơh di mờ mpồl đơng lam, sơndră mờ rềs àr bơh trồ tiah mờ jòi dong klàs cau gơtìp rềs àr ală kơnă, mờ tus tu\ do, den ală kơnă, tàm hơ\ kuơ màng ngan là kơnă kơnhoàl neh lơh ală rơndăp broă sơndră mờ rềs àr bơh trồ tiah tàm tơl tiah mùl màl; hơ\ sồng lơh jăt niam broă rơcang jăt broă lơh 4 tơn tàm tiah. Bơdìh hơ\ tai, den bơl mpồl lam sồr, bơto sồr làng bol in g^t ală broă gơrềng ờ niam bơh rềs àr dê kờ` pleh, lơh bè lơi kờ` tơmù ờ uă ngan rềs àr bơh trồ tiah lơh gơl^k geh”.

Cau mblàng Ndong Brawl