VOV4.K’ho – Tàm ală nam rềp ndo, tờm gơ àl neh sơn đờm ai tơnggo\ bơta pràn gơ dê tàm ù tiah càr Dak Lak mờ tơngai lik bơkàu, tơt plai gờ` rlau mờ plai gơ àl tiah đah jum dà lơgar dê mờ gơs là tờm chi geh sac rơwah uă ngan bơh uă hìu nhă lơh broă sa tàm broă tam gơl chi tam, brồ guh lik klàs rbah mờ lơh pas. Ồng Trịnh Tiến Bộ kuang atbồ cơldu\ tam phan, di Gah lơh broă sa mờ bơtàu tơnguh [òn lơgar càr Dak Lak pà git, gùt càr tu\ do geh 252 lồ gơ àl, cồng nha tơnhàu geh mờr 1.600 tấn pah nam; tơrgùm uă ngan tàm ală kơnhòal Ea Kar, Krông Năng, Krông Pach, Krông Buk, [òn drà Buôn Hồ…Tài bơta pơnrơ bơh tờm gơ àl dê là tu\ tam cah khà bơkàu den tờm chi kờ` trồ tiah mrềt, mơya trồ tiah tàm càr Dak Lak đơs is mờ Tây Nguyên đơs bal ờ huan mrềt…do là dùl tàm ală bơta ờ niam gơrềng tus bơta gơs niam bơh tờm gơ àl dê tàm ù tiah kơh bơnơm. Den tàng làng bol tu\ tam gơl chi tam, ngan là tờm gơ àl pal kơlôi sơnơng nền nòn bơta trồ tiah tàm tơl tiah, kung bè bơta pơnrơ is mờ bơta chài tam tờm gơ àl nàng sac rơwah rơndap broă niam ngan rlau jơh.