VOV4.K’ho - Jăt rơndăp broă tơnguh bơtàu kơphe kơl jăp, tus nam 2020, càr Dak Lak geh gùng dà tơmù broă tăc kơphe gar ờ hềt geh lơh mờ lơgar bơdìh, tơnguh khà kơphe tăc mờ lơgar bơdìh, ngui tàm lơgar neh geh lơh bơh 14 tus 15% tàm khà kơphe gar tàm tơl kàl tơnhào kờ` tơnguh khà priă, tơnguh rài kis cau lơh kơphe in. Càr Dak Lak kung geh broă lam sồr, dong kờl ală anih lơh sa kă bro tàm lơgar mờ lơgar bơdìh bơcri priă lơh ală hìu măy coh kơphe, lơh kơphe [òk, kơphe klài geh bơta pràn bơh 700 tấn tàm 1 nam rơlao hờ đang. Kuơ màng ngan, càr Dak Lak gam dong kờl anih lơh sa kă bro tus jòi, pờ ơnàng drà kă bro kơphe [òk, kơphe klài mờ lơgar bơdìh, pơgồp bal, chồl pràn broă lơh sa kă bro mờ ală anih lơh sa kă bro tàm lơgar mờ lơgar bơdìh.

         Cau cih mờ yal tơng^t Ndong Brawl