VOV4.K’ho - Ngai òr (08/10) anih duh broă làng bol càr Dak Nông neh bơyai lơh pơrjum sền wơl broă lơh jăt kơnòl tơnguh bơtàu lơh sa-mpồl bơtiàn, gàr niam bơta lơngăp lơngai dà lơgar, ờ do ờ dă mpồl bơtiàn 9 nhai bồ nam mờ lơh jăt kơnòl tòm 3 nhai lồi nam 2015.

Tơnơ\ mờ tu\ iăt jơnau yal bơh ala măt ală gah, mpồl lơh broă, ală kơnhoàl tàm càr dê, đơs tàm dơ\ tơn jơh pơrjum, ồng Nguyễn Bốn, kuang jăt jơng atbồ mpồl đơng lam Đảng càr, mờ là kuang atbồ anih duh broă làng bol càr Dak Nông neh sồr ală gah, mpồl lơh broă, ală kơnhoàl tơrgùm lơh jăt ală broă lơh kờ` lơh gơs ală khà neh ai tàm nam 2015. Gơwèt mờ ală khà tu\ do gam ờ uă, ală gah gơrềng bal pal mhar tơmù ală kal ke, geh broă lơh mùl màl kờ` chồl pràn broă tơnguh bơtàu tàm tơngai tus. Ală gah, mpồl lơh broă, ală kơnhoàl kung dong kờl anih lơh sa kă bro bơsong kal ke, tàm hơ\ uă ngan là tus mờ ală rơndăp broă lơh kuơ màng. Ală broă lơh ndai bè bơsong sră nggal yal uă, chồl pràn broă lơh niam sră nggal, tơl niam rài kis mpồl bơtiàn pal geh tơnguh rơlao tai.

        Cau cih mờ yal tơng^t Ndong Brawl