VOV4.K’ho- Drim òr (17/03), Ủy ban Mặt trận Dà lơgar Việt Nam càr Dak Nông bơyai lơh pơrjum cri bơyai dơ̆ bàr nàng ring bal khà măt ing ală kuang bàng tơlĭk măt tĕ khà kuang bàng Quốc hội khoă 15 mờ HĐND tơngai bơh nam 2021 tus 2026.

                                                      Càr Dak Nông bơyai lơh pơrjum cri bơyai

Tàm pơrjum cri bơyai dơ̆ 2, ală kuang bàng ring bal khà măt, rài kis broă lơh bơh ală kuang bàng tơlĭk măt tĕ khà mờ cau tơlĭk is măt tĕ khà HĐND càr, tơngai lơh broă bơh nam 2021 tus 2026, pơrjum neh ring bal lơh ing 96 nă cau tơlĭk măt tĕ khà (21 nă cau kòn cau, 3 nă cau jăt yàng, 10 nă cau ờ geh đảng, 36 nă cau kơnòm să, 31 nă cau geh tơlĭk măt tĕ khà tai).

Tàm pơrjum, Ủy ban Mặt trận Dà lơgar càr Dak Nông kung neh bơto sồr pơrjum tìp mờ cau tĕ khà tàm ƀòn ơm kis gơwèt mờ cau tĕ khà kuang bàng Quốc hội mờ kuang bàng HĐND càr tơngai bơh nam 2021 tus 2026. Jăt kơrnoăt geh ai, broă bơyai lơh geh bơyai lơh bơh ngai 21 nhai 3 tus ngai 13 nhai 4 tus.

Cau mblàng Ndong Brawl