Đơs tàm ngai chờ, Đại tướng ồng Trịnh Văn Quyết đơs nền, sền gàr lơngăp lơngai Dà lơgar tờm là broă lơh bơh gùt làng bol dê bơh bơta đong lam bơh Đảng, tàm hơ̆ mpồl Kwang àng Làng bol gàr gơnoar tờm. Kờñ gàr kơ̆ lơngăp lơngai bơh gờñ, bơh ngài den pal gàr bơh bơta tờm, mờ “bơta tờm ngan là nùs nhơm làng bol dê”.

Lam bồ Mpồl Mblàng yal, Bơto bơtê Dà lơgar sồr càr Gia Lai pơn jat tai lơh jat nền mờ lam lơh geh cồng nha ală Jơnau neh lơh tàm pơrjum bơh Dà lơgar dê bè bơt bơtàu mpồl bơtiàn duh rơngòt kơrnoat boh lam, lơngăp lơngai, niam jak mờ Broă lơh kwơ màng Lơngăp lơngai Dà lơgar; tam gơl pa broă lơh mblàng yal, tơnguh bơta pràn nàng dră wơl tềng đăp jơnau yal ờ niam tàm internet; sơlơ tơnguh tai pơgồp bal đah Kwang àng, Mpồl ling klàng, Mặt trận Dà lơgar mờ ală mpồl cau; bơt bơtàu mpồl Kwang àng ngan ngồn rềp làng bol, sền dờng màng làng bol, wă làng bol, tài làng bol drơng broă.