Dar pơrjum tơrgùm cribơyai ală broă lơh lơh niam gơnoar broă lơh broă mờ lơgar ndai Đảng dê, tơnguh cồng nha lơh broă mờ lơgar ndai làng bol, sơlơ tơnguh tai bơta tàm pơgồp bal đah pe gah tờm lơh broă mờ lơgar ndai geh lơh broă mờ lơgar ndai Đảng, cribơyai broă mờ lơgar ndai dà lơgar mờ lơh broă mờ lơgar ndai làng bol, mờ kung lơh niam gơnoar broă ală anih lơh broă ala mat lơgar Việt Nam dê tàm lơgar ndai.

Đơs sồr lơh, ồng Trần Cẩm Tú sồr ală ƀộ, gah broă lơh dà lơgar, ƀòn lơgar mờ ală mpồl lơh broă chính trị - mpồl bơtiàn pơn jat tai tơnguh jơnau git wă bè gơnoar broă bơh tơl gah lơh broă mờ lơgar ndai dê, gàr niam lam lơh ndrờm bal, bơnĕ bơnài nàng kờñ drơng geh cồng nha ală jơnau kờñ kuơmàng dà lơgar dê. Ồng kung đơs sùm, kơnòl broă gàr kơ̆, lơh niam rlau tai bơta git gơp mờ ală đảng tờm, ngan là ală đảng at gơnoar tàm ală lơgar rềp bal, ală lơgar dờng mờ ală mpồl lơh broă bal neh bơt bơtàu gơs tơngume git gơp, mờ kung pơn jat tai tam gơl pa, lam lơh ngac ngar ală gùng dà lơh broă bal tàm gah Đảng.