Tàm tơngai bơh ngai 26/7 tus ngai 3/8, Mpồl K52 neh gĭt gŏ, rờ tơrgùm geh 3 ƀồc ntìng cau ling chơ̆t màng; tus ngai 4/8 pơn jat tai jòi gŏ tai 3 ƀồc ntìng cau ling chơ̆t màng, tơnguh kờp jơh ƀồc ntìng rờ tơrgùm geh tàm dơ̆ do gơguh tus 6 ƀồc ntìng.

Tơnơ̆ tŭ gĭt gŏ, kwang bàng, cau ling mpồl ling neh bơyai lơh rờ ƀồc jat di jơnau sồr, gàr niam bơta yŭ rơgùm; ală ƀồc ntìng geh jun rê tàm Mpồl đơng lam Ling klàng sàh Ia Boòng nàng duh khoai, gàr niam mờ lơh sir sră nggal đal gĭt. Cồng nha do lơh geh kơnờm bơta pơgồp bal niam đah mpồl cau lòt jòi mờ kấp ủy, gơnoar atbồ, anih lơh broă ling klàng tiah do mờ làng bol dê tàm broă tơrgùm wơl, tàm pơndrờm jơnau yal. Tŭ do Mpồl K52 pơn jat tai pờ ơnàng tiah lòt jòi tàm ƀòn Sơr mờ ală tiah rềp bal geh jơnau yal bè tiah tơ̆p cau ling chơ̆t màng.