Cau ala mat mò Nguyễn Thị Hồng Hạnh, Mpồl ƀòn dờng Hồ Chí Minh sồr đơs ngui niam gơnoar broă bơh ală cau geh jà tus bal cri tơrña bơyai, is ồn là mpồl chài cah rơña, nàng dong kờl broă ờs mờng, pơgồp bơnah tơnguh uă bơta niam cri tơrña bơyai.

Tàm tŭ hơ̆, cau ala mat Hoàng Quốc Khánh, Mpồl Lai Châu tơngŏ bơta kơlôi rcang bè bơta gơtùi lơh jat ngan ngồn bơh broă lơh cri tơrña bơyai tàm internet tàm tiah kơh bơnơm tiah ală bơta phan bơna bơt bơtàu mờ broă lơh cri tơrña bơyai tơn kung gam ờ di pal rlau. Cau ala mat Chamaléa Thị Thủy, Mpồl  Khánh Hòa dan geh ală broă lơh pơlam tàp, rcang rơndeh rơndồ măi mok ai cau lơh broă cri tơrña bơyai in, ngan là tàm tiah sar lơgar ngài, tiah làng bol jơi bơtiàn dồ ết nă cau, nàng broă ngui măi mok mờ bồ tơngoh jak kòn bơnus lơh gơlik ngan ngồn lơh jat geh cồng nha tàm bơta geh ngan.