Tàm dơ̆ wă, ồng Tô Lâm- Tổng Bí thư, Chủ tịch lơgar đơs sùm lơh broă bal sền gàr dà lơgar pơn jat tai là bơta tờm kwơ màng, pơgồp bơnah ai bơta gĭt gơ̆p 2 lơgar gơ lòt mut jrô làm uă, ngan ngồn, pơgồp bơnah tàm ring lơngai mờ bơtàu tơnguh tàm tiah do mờ tàm dunia. Ồng Tô Lâm - Tổng Bí thư, Chủ tịch lơgar đơs nền Việt Nam sền lơgar Mỹ là dùl tàm ală lơgar lơh broă bal geh bơta kwơ màng jŏ jòng lam lài, kơ̆p kờñ bal mờ lơgar Mỹ pơn jat tai lam lơh geh cồng nha tơngume Tam klăc lơh broă bal tơl làm, ai bơta gĭt gơ̆p 2 lơgar bơtàu tơnguh ngai sơlơ ngan ngồn, jrô ơnàng làm uă mờ geh cồng nha, tài bơta kwơ bơh làng bol 2 lơgar dê.

Đô đốc ồng Paparo ring bal mờ ală jơnau sồr geh ngan bơh ồng Tô Lâm- Tổng Bí thư, Chủ tịch lơgar dê bè ală broă lơh sơlơ tơnguh tai ai bơta gĭt gơ̆p 2 lơgar gơguh tus gơnoar broă pa, mơkung hơ pơr gon Anih lơh broă đơng lam Mpồl ling Thái Bình Dương lơgar Mỹ rơ̆p pơn jat tai pơgồp bal niam mờ lơgar Việt Nam nàng lam lơh geh cồng nha ală broă lơh lơh broă bal dong kờl kòn bơnus, dong kờl rềs àr, tơnguh uă bơta pràn jak lơh jat adat boh lam tàm dà lềng.