Tàm dơ̆ tìp măt mờ cri bơyai ồng Trần Thanh Mẫn, Chủ tịc Quốc hội pin dờn tềng đăp mờ broă đơng lam bơh ồng Sophon Zaram, Chủ tịc Quốc hội lơgar Bơtau Thái Lan dê, Quốc hội lơgar Thái Lan rơ̆p pơn jăt tai lơh broă bal mờ Chính phủ lơh pràn broă bơtàu tơnguh lơh sa mpồl bơtiàn, tơnguh uă rài kis làng bol in bal mờ bơngă bơh lơgar Thái Lan dê tàm ală lơgar.

Đơs niam bơta git gơ̆p lơh broă bal anih lơh broă lơh adăt boh lam đah bàr lơgar dê tàm tơngai do, bàr Chủ tịch Quốc hội ring bal pơn jăt tai tơnguh broă tus còp mờ lơh broă bal mpồl kấp dờng mờ ală kấp; lơh geh cồng nha Jơnau ring bal lơh broă bal đah Quốc hội bàr lơgar. Cri bơyai bè ală bơta tàm tiah do mờ ală lơgar, bàr Chủ tịch Quốc hội ring bal pơn jăt tai pơgồp bal nền nòn tàm mpồl ASEAN, AIPA, IPU mờ ală pơrjum cri bơyai nghị viện uă gah; tơnguh gơnoar lơh tờm bơh mpồl ASEAN dê mờ lơh pràn lơh broă bal tàm ală kơrnoăt tiah dềt Mekong.