VOV4.K’ho – Ngai òr 13-5, Anih duh broă làng bol càr Dak Nông bơyai lơh pơrjum cribơyai mờ 150 mpồl lơh sa kă bro kờ` sền mờ đơs bè bơta lơh broă kung bè iat ală jơnau đơs, bơta kơp kờ` bơh ală mpồl lơh sa kă bro tàm càr dê nàng geh broă lơh tă bơsong kal ke, ai geh bơta buơn bùai tàm broă bơcri priă, lơh sa, kă bro. Tàm dơ\ pơrjum cribơyai, ala mat ală mpồl lơh sa kă bro neh đơs tus ờ uă kal ke, bơta ờ niam pal geh càr pơnjat tai sền gòi, dong kờl. Uă mpồl lơh sa kă bro đơs là, uă ngan ală kơrnuat, broă lơh dong kờl ai tơlik tàm kơnă càr den niam, mơya tu\ mut lơh tàm ală gah, mpồl lơh broă, ală tiah den ờ geh bơta `hap `har, ringbal; ờ uă mpồl lơh broă geh gơnoar gam ờ dờp kơnòl, ờ hềt ngan ngồn jơh nùs tàm broă pơlam, bơsong sră nggal adat boh lam mpồl lơh sa kă bro in tu\ geh jơnau sồr. Jat jơnau yal tàm dơ\ pơrjum den gùt càr geh rlau 3.271 mpồl lơh sa kă bro geh cih mat kă bro mờ priă bơcri cih mat là rlau 22.730 tơmàn priă. Tơngai lài, Anih duh broă làng bol càr Dak Nông neh đơng lam ală kơnă, ală gah chồl pràn tam gơl sră nggal lơh broă tàm ală gah; bơyai lơh ală dơ\ cribơyai tơngume nàng di tu\ bơsong ală kòl yan, kal ke mpồl lơh sa kă bro in bè sră nggal bơcri priă, kơrnuat ai càn priă.

                                                                                                                                        Cau mblàng K’ Duẩn.