VOV4.K’ho - Ngai òr (13/01), anih duh broa\ làng bol càr Dak Nông bơyai lơh pơrjum  tơnjơh 5 nam mut lơh broa\ lơh dà lơgar rcang sơndra\ cau tìs ma tuý, tìs ờ niam tàm mpồl bơtìan mờ mut lơh srơh lơh broa\ gùt làng bol sền gàr dà lơgar.

            5 nam do,  ala\ mpồl geh gơnoar càr Dak Nông neh  chồl guh bơnga\ tờm ngan tàm broa\ ntàu tam lơh,  bơklơn ala\  bơta tìs. Geh gơ rềng tus tìs ma tuý mờ ala\ tìs ờ niam tàm mpồl bơtìan, anih lơh broa\ geh gơnoar neh lùp khàu lơh loh rlau 2 rbô dơ\ tìs, kup mờr 4 rbô na\ cau. Ala\ jơnau cih sền tàm dơ\ pơrjum geh đơs la,  pơhìn bơh tìs ma tuý, tìs lơh sa phan bơna, tìs công nghệ cao kung bè ala\  bơta tìs ờ niam tàm mpồl bơtìan tàm Dak Nông  gam  di gơlan gơguh jơnhua mờ gơbàn kal ke tàm tơngai tus. Den tàng,  anih lơh broa\ geh gơnoar kờ` sùm pal tam gơl pa,  bơtàu tơngguh broa\ lơh ntàu tam  lơh rcang sơndra\ cau tìs. Bal mờ hơ\,  pơnjat tai geh lơh pràn srơh broa\ lơh gùt làng bol sền gàr dà lơgar. Đại tá Lê Vinh Quy kuang jat jơng atbồ  gah kuang àng càr Dak Nông, đơs:“Tàm tơngai tus, càr Dak Nông geh lơh ngan lam sồr bơh càr tus kơnhoàl pơnjat tai geh mut lơh ala\ broa\ lơh tơn nàng gàr niam ngap lơngai [òn lơgar tàm dơ\ pơrjum Đảng gùt lơgar dơ\ 12 mờ pồ te\ khà Gơnoar ala mat dà lơgar dơ\ 14. Tềng đap mat, bol a` geh lơh ngan lam sồr làng bol nhap nhar tus bal srơh rcang sơndra\ mờ cau tìs. Dơ\ 2 lam sồr mpồl kuang àng bơh càr tus kơnhoàl mut lơh pràn ngan ala\ broa\ lơh rcang gàr mpồl bơtìan, rcang lài broa\ lơh mờ geh lơh ngan  pràn tus ala\ cau lơh broa\ jat mpồl cau tìs lơh broa\ chài ngan tàm càr,  lơh bal mờ tiah ndai nàng kơryan broa\ lơh tìs bơh ala\ cau do”.

                             Cau cih mờ yal tơnggit K’ Brọp